今次係最差, 有訂枱。去到坐低張枱同木櫈唔對稱, 坐唔到, d 侍應又唔醒目, 唔識幫客推枱。
13:15落單, 都知食waffle要等15分鐘, 但無諗過最尾14:05 先黎。等成個鐘, 有無搞錯, 同事都走晒, 剩返我自己一個食。
唔食waffle, 其他正常野食都要等起碼半個鐘。成間餐廳d客不停催, 不停
追單。個個都好唔耐煩, 一肚氣。
西班牙橡果豚肉南瓜蓉窩夫, waffle 係唔錯, 外脆內軟, 仲有4塊咁多。不過成百五蚊個餐都要俾返咁上下你。waffle 配南瓜蓉都ok, 不過d蓉可以俾多d。豚肉都可以, 不過勁鹹, 鹹左我成日。沙律正常, 無咩特別。
1
食物, 環境都可以接受。但一個餐都唔便, 服務同價錢一d都唔成正俾。我諗我唔會再黎食, 晒曬d時間係度等食。
