Video
Read full review
2018-12-30
4697 views
我第一次光顧此店是二十幾年前。以前有兩個日本師傅，現在主力做燒既以前係副手。兩個樓面侍應，最初都幾有禮貌，甚至有啲傻氣，有時見佢地同日本客落單都戰戰兢兢。其中黑實啲嗰個後來日文流利左，但其態度就日漸差劣。我曾寫過另一食評提到如果食物質素好，有時服務差啲都可以忍受吓。這亦是唯一原因我還會光顧此店。但經過昨晚經歷，我吾會再作賤自己。昨晚因太太話好耐冇去五味鳥，就同埋兩個細路嚟。坐低後太太去洗手間，黑實/面侍應問我飲乜，我話比啲熱茶先(以前佢地會自動給客人熱茶)，佢話呢到係居酒屋飲酒既，同埋下次吾好帶小朋友嚟。我話以前都帶過小朋友嚟，乜改左制度咩？佢冇答我就行開左。我當時想拍枱走，但吾想太太失望亦吾想嚇親啲細路(因為好想爆佢一鑊，唯有現在用文字表達)。我最終都叫左杯啤酒，太太同細路叫烏龍茶。跟住比左四個佐酒前菜我地。其實我吾介意佢收前菜錢，但強迫叫野飲就有啲過分。食完一輪串燒後，我心諗住快啲走，但驚細路未飽，所以再同黑面侍應落單加牛脷，燒飯糰同烏冬。其間有客人帶住一個年紀比我細路還細入嚟，黑面侍應應該係識既。聽到佢地頃左幾句，個男人仲叫佢比杯茶....好明顯大細超。跟住另一個侍應同我講冇飯做
昨晚因太太話好耐冇去五味鳥，就同埋兩個細路嚟。坐低後太太去洗手間，黑實/面侍應問我飲乜，我話比啲熱茶先(以前佢地會自動給客人熱茶)，佢話呢到係居酒屋飲酒既，同埋下次吾好帶小朋友嚟。我話以前都帶過小朋友嚟，乜改左制度咩？佢冇答我就行開左。我當時想拍枱走，但吾想太太失望亦吾想嚇親啲細路(因為好想爆佢一鑊，唯有現在用文字表達)。我最終都叫左杯啤酒，太太同細路叫烏龍茶。跟住比左四個佐酒前菜我地。其實我吾介意佢收前菜錢，但強迫叫野飲就有啲過分。食完一輪串燒後，我心諗住快啲走，但驚細路未飽，所以再同黑面侍應落單加牛脷，燒飯糰同烏冬。其間有客人帶住一個年紀比我細路還細入嚟，黑面侍應應該係識既。聽到佢地頃左幾句，個男人仲叫佢比杯茶....好明顯大細超。跟住另一個侍應同我講冇飯做吾到燒飯糰，做乜黑面喺我加單時吾講。後嚟等多陣發現連烏冬都冇落，即時埋單走人。心諗係咪嫌我叫啲野cheap 要趕客？坦白講，呢間野服務差就已有心理準備，但今次真係好離譜。我忍得好辛苦，真係想鬧爆佢。
如果你有試過walk in，佢一定黑面同你講冇位。如果你係日本人，佢態度可能會好啲。我知你地吾志在生客，尤其非日本人。我想講，你不如索性擺個牌喺門口寫住「非熟客請勿光顧」或者「非日本人請勿內進」!
Post