築間幸福鍋物

之前見到新店宣傳，已經好想試吓。不過見到限時100分鐘，擔心食得太趕，實在有少少卻步。作為一個C9，每到星期五都真係唔想煮飯。老公問我食物，都唔知食乜好，突然腦海浮現咗依間餐廳，所以立即致電訂位。職員答覆訂位已滿，不如可以現場排隊。咁就諗住响冇訂位嘅情況下，睇吓有冇機會食到。大概18:30去到，衝咗入去諗住拎飛排隊。店員話而家有位可以即入，但老公未嚟，所以佢哋幫我現場訂了七點。感謝！我哋點咗海鮮總𣾀套餐，同羊肉套餐。套餐包一杯飲品、－個主食（烏冬，白飯或公仔麵）同一個甜品。當然，出面仲有任食蔬菜及一些打邊爐料。我想特別講吓依個海鮮總𣾀，海鮮好新鮮，好好味，真的十分推介。魷魚筒淥耐咗都唔硬！D魚片好好食！因為我唔食羊，所以介紹唔到。不過建議大家可以只揀120g份量就夠了，因為出面任食嘅配料都唔hea, 都好好食！尤其個蝦滑👍🏻。至於湯底，我就揀咗個石頭湯，係一個類似麻油加已爆炒過嘅海味嘅湯，有咸香感，所以揀佢。淥完海鮮，個湯好甜好飲🤤食到最後，原來100分鐘都夠食。時間夠了，店員還未摧我哋走，不過我哋都食飽飽啦，所以自己主動提出上埋個甜品🍮🍦食物好食，服務很好（尤其台籍店員）。