Video
Read full review
2021-02-21
76 views
位於K11 Musea的Chatterbox海南雞飯原來係來自星加坡文華酒店😍以前做空姐去星加坡時已經聽聞過文華酒店嘅海南雞飯有幾出名，不過一直都冇機會試，竟然而家喺香港可以食到！食飯當日係年三十晚，周圍都好多人，午市時段都幾乎坐滿，不過現場枱與枱中間的距離都足夠，所以即使坐滿都唔會好有壓迫感。午餐平均$120左右有個餐，仲包埋餐飲，轉特飲都只係加$10 ，以K11個位置來講價錢算好公道，而且午市仲可以用優惠價加配小食及時菜，埋單最後每人唔洗$200，仲要抱住個肚走，真係好抵食。文華海南雞飯 $128 （加$10轉雞脾）賣相非常靚仔，雞嘅份量好多，雞肉非常滑嫩、脂肪層晶瑩剔透、層層分明，對於鍾意食雞皮嘅我真係抗拒唔到！入口滑到唔似食緊雞咁，脂肪嘅香味配合雞嘅鮮味，真係冇得頂！建議一定要加$10轉雞髀！油飯香氣十足，淡淡的香茅味令人好想再添飯。白胡椒肉骨茶配白飯 $118肉骨茶係星加坡地道嘅美食，呢度100%還原到星加坡嘅味道，肉骨茶有淡淡的胡椒香，少少辣好惹味，肉骨茶用上排骨條，條條都有好多肉，份量十足，一個女仔食未必食得晒。最驚喜係有三條油炸鬼，每舊都炸得好香脆熱辣辣，沾上肉骨茶一齊
位於K11 Musea的Chatterbox海南雞飯原來係來自星加坡文華酒店😍以前做空姐去星加坡時已經聽聞過文華酒店嘅海南雞飯有幾出名，不過一直都冇機會試，竟然而家喺香港可以食到！
食飯當日係年三十晚，周圍都好多人，午市時段都幾乎坐滿，不過現場枱與枱中間的距離都足夠，所以即使坐滿都唔會好有壓迫感。
午餐平均$120左右有個餐，仲包埋餐飲，轉特飲都只係加$10 ，以K11個位置來講價錢算好公道，而且午市仲可以用優惠價加配小食及時菜，埋單最後每人唔洗$200，仲要抱住個肚走，真係好抵食。
文華海南雞飯 $128 （加$10轉雞脾）
賣相非常靚仔，雞嘅份量好多，雞肉非常滑嫩、脂肪層晶瑩剔透、層層分明，對於鍾意食雞皮嘅我真係抗拒唔到！入口滑到唔似食緊雞咁，脂肪嘅香味配合雞嘅鮮味，真係冇得頂！建議一定要加$10轉雞髀！油飯香氣十足，淡淡的香茅味令人好想再添飯。
白胡椒肉骨茶配白飯 $118
肉骨茶係星加坡地道嘅美食，呢度100%還原到星加坡嘅味道，肉骨茶有淡淡的胡椒香，少少辣好惹味，肉骨茶用上排骨條，條條都有好多肉，份量十足，一個女仔食未必食得晒。最驚喜係有三條油炸鬼，每舊都炸得好香脆熱辣辣，沾上肉骨茶一齊食，好好食！煲入邊仲有幾舊豆卜，吸滿晒胡椒香味濃郁的肉骨茶，餸飯一流！
新鮮時菜（跟餐加$28）
你冇睇錯，真係加$28有咁大碟菜，超級抵！
味道都好唔錯啊！建議兩個人叫一份菜就OK啦，因為真係好大碟。
香脆嫩雞柳伴甜辣醬 （跟餐加$48 ）
熱辣辣上碟，不過雞柳比較鞋口，但係愛情非常香脆，點上甜辣醬食都幾惹味。
推介！雙球椰子雪糕 （跟餐+28）
超好食呀！椰子味非常濃郁，雪糕入邊真係有椰絲㗎！
檸檬薏米水（跟餐加$10 ）
又係星加坡嘅地道飲品，薏米水少少甜，配上檸檬好清新，對於貪靚嘅女士呢杯飲品值得推介！
即磨咖啡（跟餐唔使加錢）
味道偏苦澀，咖啡味濃郁，對於鍾意咖啡嘅人來講應該唔錯。
Post
