Video
Read full review
2021-10-17
82 views
三號風球下既假日，訓到日上三竿，打算近近地搵間餐廳醫肚。見呢度有空位坐，無慮即入。之前試過呢間既叉燒炒蛋都唔錯，話晒係招牌燒味，今次轉下新口味，就嗌個特餐試試。例湯係青紅蘿蔔黃豆豬骨湯，而凍檸茶一啲都唔吝嗇，有4塊厚厚檸檬，解渴一流。「板煎香菇馬蹄土魷肉餅煎蛋飯」個名十分長，亦都係餐牌上推薦之一，同普遍茶記唔同既係，佢地都注重擺盤，有少量沙律菜伴碟，煎蛋鋪係飯面，看似普通既肉餅都令人食慾大開。平時肉餅都係蒸為主，而家有咁多樣材料混入既煎肉餅，口感顯得豐富好多，鹹香既肉餅配甜甜地既豉油汁令味道取得平衡，香口野萬歲！煎蛋無過老，蛋汁又係撈飯佳品。離開既時候仲有好多等燒味外賣既人，睇黎水準依然唔錯，下次唔想行咁遠都要再黎食燒味飯。
例湯係青紅蘿蔔黃豆豬骨湯，而凍檸茶一啲都唔吝嗇，有4塊厚厚檸檬，解渴一流。
「板煎香菇馬蹄土魷肉餅煎蛋飯」
個名十分長，亦都係餐牌上推薦之一，同普遍茶記唔同既係，佢地都注重擺盤，有少量沙律菜伴碟，煎蛋鋪係飯面，看似普通既肉餅都令人食慾大開。平時肉餅都係蒸為主，而家有咁多樣材料混入既煎肉餅，口感顯得豐富好多，鹹香既肉餅配甜甜地既豉油汁令味道取得平衡，香口野萬歲！煎蛋無過老，蛋汁又係撈飯佳品。
離開既時候仲有好多等燒味外賣既人，睇黎水準依然唔錯，下次唔想行咁遠都要再黎食燒味飯。
Post
