築地GINDACO (Closed)

平時自己一個鍾意你到樂富廣場食飯，今日嚟到UNY嘅food court，記得以前細細個覺得呢間買章魚燒嘅好難食，但從裝修之後再幫襯，發覺好食咗好多。今日嗌咗一個銀套餐，$55有四粒章魚燒同埋炒麵，仲有一杯牛奶抹茶。炒麵有啲五花腩都幾香口，章魚燒啲粉都唔會太厚，牛奶抹茶呢個底好似有啲糖漿有啲難撈勻，但味道都唔錯。food court可以用信用卡俾錢，有張會員卡附送，每$25就可以吸一個印章，儲夠好似有章魚燒可以換，下次可以再嚟繼續儲。