築地GINDACO (Closed)

平時自己一個鍾意你到樂富廣場食飯，今日嚟到UNY嘅food court，記得以前細細個覺得呢間買章魚燒嘅好難食，但從裝修之後再幫襯，發覺好食咗好多。今日嗌咗一個銀套餐，$55有四粒章魚燒同埋炒麵，仲有一杯牛奶抹茶。炒麵有啲五花腩都幾香口，章魚燒啲粉都唔會太厚，牛奶抹茶呢個底好似有啲糖漿有啲難撈勻，但味道都唔錯。food court可以用信用卡俾錢，有張會員卡附送，每$25就可以吸一個印章，儲夠好似有章魚燒可以換，下次可以再嚟繼續儲。

呢間食過幾次每次都好食，水準穩定見冇好評就黎寫一寫啦 佢既章魚丸外面脆卜卜入面綿、章魚肉又彈牙、又夠熱食到有啲薑米我覺得好好味看圖：據知表皮脆卜卜呢種章魚丸係「東京風」平時我食開葵廣同旺中既章魚無雙果種軟身啲、濕度高啲，係「大阪風」 可以叫set，有丸有麵炒麵味道都ok但比較細份，如圖杯抹茶幾濃茶味，但唔太甜既，欣賞 價錢方面就比較貴啦平時葵廣食原味6粒章魚丸都係30蚊佢8粒原味收$48、4粒$25抹茶如跟set加$8、單叫$15但想食脆章魚丸都會幫襯

今日去開樂富廣場，梗係即刻去食最鍾意嘅章魚燒，見佢做緊新推出嘅吞拿魚明太子章魚丸，梗係即刻要返八粒你試吓先啦！食完真係唔夠喉！再叫咗四粒原味試吓，真係果然保持到水準外脆內軟墨魚夠彈牙！

特登為左佢打第一篇食評！服務態度勁差！有單唔係去check，唔去整，係度傾計，唔問都唔落槳整小丸子等左半個鐘有多中間見住佢哋錯漏百出，一係將外賣Apps嘅order俾咗街客，一係就唔記得拎嘢飲比客其實呢啲都係可以避免既錯，明白繁忙時間會好多單，但唔代表要客人忍受呢啲！三個店員好似發緊夢咁！之間完全冇溝通，有咩order又唔知。平心而論，價錢唔算平，食物質素，我個人覺得唔錯，但係咁既服務態度真係唔需要有下次

自疫情爆發之後，都唔知幾時先飛到出去外遊食好西...幸好勝在香港還有日本海外分店，讓人解解和食掃街嘅饑渴感，全港只有三間分店的築地GINDACO，難得在樂富廣場foodcourt有得食，銀套餐$48 築地銀炒麵+章魚燒4粒落單時記得+$4加蛋，鐵板煎蛋特別好食。章魚燒比預期的新鮮熱辣，味道合格，炒麵方面，還是堂食比外賣熱辣辣好食，而重點是order 前要望望有無現成整定左放係爐上，如果要食較高質新鮮的點都係等一等，始終是鮮做慢工出細課的好。👅美味: ⭐️⭐️⭐️⭐️/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️/5

不嬲都好鍾意食築地嘅章魚小丸子，咁啱經過樂富見到有，滿心歡喜咁去買，首先個Staff其實幾好禮貌嘅，不過佢聽錯咗我話走沙律醬，其實我係話要多沙律醬，不過佢都好Nice咁比幾包我自己囉。但係呢間嘅味道真係同其他間爭好遠，首先佢唔熱，同埋佢嘅味道好一半又唔香，好似街邊嗰啲小丸子。 呢個價錢食到呢個質素真係唔知講咩好，另外我加多左杯抹茶奶，飲咗兩啖都覺得好難飲，最後成杯都冇飲到，我諗我唔會再理呢間築地食😿😿😿

見到之前既留言，差唔多一年過後仍然無進步。明白最近生意可能麻麻，所以一開爐就整多啲。但我肯定食得章魚燒既人唔會介意要等你整，亦希望你哋重視下自己個品牌，留意返品質。唔係熱辣辣既章魚燒真係好無謂，同埋好失望。我寧願你reheat都叫做有做吓嘢吖，但微暖甚至係凍嘅章魚燒真係好難頂。我以後會睇下，如果有一兩盆已經整好擺喺度嘅話，我絕對唔會再買。

只有好好食或者好難食先至會令我急不及待打食評呢一間嘅章魚丸不嬲都好有保證,平時係日本,係Sogo都會買黎食。見樂富新開就即刻買黎試下,點知好失望。本身打算買走外賣,但係章魚丸都係熱辣辣先最Yummy,就咁睇外貌漲卜卜燒得都ok,係有少少燶左d比較深色,所以買完馬上坐低試一粒,結果....媽...暖都唔暖下ga講真,本身味道唔係差,但係八爪魚丸丁點都唔熱..真係凍ga....成個味道扣晒分好失望,如果早知凍既話...都唔駛俾$42呢個價錢買呢間啦。