Al Forno Cafe and Bar (Closed)

當日我地5：30PM左右到餐廳，時間仲好早，一去到就有位😁坐低我地先嗌左飲品，一杯係自家製朱古力雪糕配Mocha，幾好飲，又唔會太甜。另一杯係Latte，咖啡味濃！食物方面，我地就嗌左個AngBur，安格斯漢堡配蕃茄，芝士，酸青瓜，脆煙肉牛窩夫，賣相打卡一流，但唔係淨係得個樣，味道都唔錯，個醬汁特別，同個窩夫既材料都好夾，而且個窩夫都係好新鮮好脆，推介😋之後，仲嗌左個北京烤鴨胸薄餅，真心個賣相好一般，食之前有少少擔心，但味道係有驚喜，啲鴨胸肉煮得岩岩好，而個薄餅呢係偏薄而脆果種，係我鍾意既口感！除咗兩個主食，我哋仲嗌咗個小食，吉列蝦拼自家製迷你肉丸配芝士蕃茄醬，個醬汁既味道唔錯！最後，我地緊係要試埋個甜品啦，我地嗌左佢地個Signature - Al For no Tiramisu，個tiramisu好特別，底部係脆脆的，似係曲奇底，然後係上面唧忌廉果種，唔似一向食開tiramisu既口感，但整體唔係好甜，幾好食，而且賣相都整得幾靚。