味滿

Open Now

Now Closed

位於天后嘅味滿，喺晚餐時候真係好多人，肥雞次次經過都想試吓，今次就試吓我哋廣東明菜粥粉麵飯。佢嘅南乳炸雞翼，隔籬枱聞到好香，肥雞即刻點一份。即叫即炸，肉汁Juicy超正，佢嘅蝦子撈麵非常之出名，配埋用大地魚淆嘅湯，每一啖麵都沾滿咗蝦子，食落口嗰種鹹香味真係非常之出色。再試多個韭黃大蝦腸粉，佢啲蝦隻隻好大隻隻，韭黃配埋嫩滑嘅腸粉，配埋我哋傳統嘅甜豉油，滑捋捋。再整多個淨雲吞，入面嘅蝦同埋鮮肉都非常之大份，我哋廣東雲吞係比一般雲吞大隻好多，性價比極高。