酒津

Open Now

Now Closed

今餐試咗間做得幾精緻嘅日本料理，頭盤就已經好有睇頭。松露油鯛魚薄切配淡雪鹽，擺盤好靚，鯛魚薄切到透光，加上微微松露香，同淡雪鹽嘅鹹香混埋一齊，味道層次即刻升級。食落魚肉滑嫩，松露味唔會搶晒戲，反而令成件事更高級，好開胃。🐟跟住食到香魚，真係幾有驚喜。香魚燒得皮脆肉嫩，表皮輕輕帶焦香，一咬落去啲魚脂慢慢滲出，完全無腥味。最正係中間嘅魚卵位，啖啖香濃，咬落爆汁，配啲檸檬汁一齊食，清新得嚟又有風味。🍋牛油果松葉蟹肉軟殼蟹卷就係fusion路線，蟹肉鮮甜又唔腥，牛油果滑溜溜，軟殼蟹炸到香脆，咬落一啖有晒香、酥、滑幾種口感。壽司飯調得好啱酸度，包埋晒成卷，一啖落肚，好滿足。🦀鐵板牛舌一上枱就香氣撲鼻，牛舌切得夠厚身，有啲咬口但唔會鞋，燒得啱啱好，唔會太乾。口感爽中帶啲嫩，醬汁鹹香味濃又唔掩蓋牛味，配埋蒜片食更加提味。🥩之後就係黑松露蟹肉冷蕎麥麵，蕎麥麵滑溜有咬感，凍食更突出佢本身嘅清香；黑松露油加得啱啱好，唔會太膩，蟹肉鮮味啱啱中和蕎麥味，清爽中帶奢華感，夏天食一流。🍜雜錦天婦羅炸得乾爽唔油膩，外皮薄脆，蝦天婦羅彈牙，茄子、南瓜、蓮藕全部炸得啱啱好，保留到食材原本嘅味道。啲炸粉薄得黎脆口，點埋天