有間客棧 (Closed)

喺長沙灣有間餐廳新開，叫做有間客棧，裏面個裝修到好似傳統中式小店，頗有特色。餐牌上面選擇多多，而且價錢合理，單點酸菜魚或水煮魚$100都唔使。不過我哋就睇中左牆上呢個二人套餐，好多嘢都非常啱食！客棧二人餐$268蒜泥白肉比較傳統，係冷盤果一種，比較傳統，係冷盤嗰一種，都非常入味，肉質爽口彈牙 。涼拌青瓜分量十足，每一件size比較大，口感特別爽口有水份，作為前菜簡直一流。古法紅燒肉每一件都好大件，而且入味非常，用嘅配料比較特別，所以都的確幾好食，當然一個人唔可以食太多，否則可能會有少少膩！ 酸菜魚或者水煮魚之中二選一，我哋唔想食太辣就揀咗酸菜魚，同樣辣度都可以選擇小辣。超鍾意佢個魚，完全冇品，而且非常之滑，佢個酸辣有少少似譚仔，而且係比較惹味 ，非常喜歡個水晶粉～白飯兩碗 $268免收加一食完其實真係飽到加零一啊，我覺得三個人都可能夠食，建議如果多啲人嚟可以叫個二人餐再加多啲其他嘢食，咁就應該都夠晒！