日日涮 (Closed)

朋友話旺角創興6樓開咗一間新嘅火鍋放題店舖，咁就想去試吓啦，新開張12月仲有優惠添！120分鐘刺身火鍋任意放題～正價時段成人$298一位～特級美國肥牛、黑毛豬豚肉、雞腿肉放題三款任你叫，質素仲要唔錯添。任食刺身拼盤真係好吸引，一開始會比一盤好新鮮嘅刺身，之後都可以無限追加超新鮮刺身，不過每次最多選5款。三文魚、甜蝦、劍魚腩、北寄貝、黃金魷魚、吞拿魚、帶子、赤背、油金魚、𩶘魚、八爪魚、希靈魚又真係好吸引，款款刺身都立立令好鮮甜。海鮮盛合A南非龍蝦、海蝦、花甲、扇貝、鮑魚、桶蠔海鮮盛合B爆膏奄仔蟹、海蝦、沙白、聖子王、貴妃蚌、青口Mix埋食，咁岩今日啲蟹賣晒，咁就轉做龍蝦，全部海鮮都非常新鮮，特別係啲龍蝦真係好有彈性又清新。不過就食咗一次唔可以再叫㗎啦，限定食一次。反而其他肉同埋配料都可以任食任拎。同埋質素都好唔錯添！不過真係唔食得咁多㗎，一定要留肚食甜品，因為甜品實在太高質素啦，細細件蛋糕會唔會太飽可以樣樣都食下，仲有高質素雪糕一人一杯一定要留返個胃仔。