Video
Read full review
2021-06-17
58 views
今日同朋友去試下位於旺角 T.O.P. 既 [ 八木橋 ] 燒肉放題，因為知道而家做緊套餐「霞」既午市買一送一，即係半價 $230 就食到熟成M5和牛，真係超值。餐廳環境舒適，枱與枱有一定距離，職員亦提醒離開座位時要佩戴口罩，喺疫情期間更令客人放心。首先送上一份拼盤及刺身，有鮑魚，芝士雞肉，牛肋條，比目魚，雞泡魚干。餐廳10分細心，有圖示教客人幾款食物嘅燒烤時間及方法。例如雞泡魚干，一般客人也許不懂怎樣燒。刺身亦十分新鮮，而刺身係「霞」依個餐亦係任食的。鮑魚又大又新鮮，估唔到放題亦食到如此質素。當然要主打食「霞」只有既牛板腱。而餐廳所有嘅肉類調味主要分原味，韓風醬油，七味辛辣，山葵等等。客人可因應自己嘅喜好選擇。而我本身就較喜歡原味，再加上餐廳嘅燒肉醬汁。M5和牛西冷，油脂較少，更加突出肉本身嘅味道。唔似一般和牛，一入口只係一堆油。餐廳嘅服務質素一流，每次order既肉類質量都10分好，唔會好似其他放題咁質量不一。依點已經好抵讚。餐廳亦有一些熟食小食供應，而當中我最喜愛嘅係炸餃子，食得出係即炸非常用心。甜品及飲品亦選擇好多。整體而言用大概最平嘅「雪」價錢，就食到高兩級既「霞」套餐放題真
餐廳環境舒適，枱與枱有一定距離，職員亦提醒離開座位時要佩戴口罩，喺疫情期間更令客人放心。
首先送上一份拼盤及刺身，有鮑魚，芝士雞肉，牛肋條，比目魚，雞泡魚干。餐廳10分細心，有圖示教客人幾款食物嘅燒烤時間及方法。例如雞泡魚干，一般客人也許不懂怎樣燒。刺身亦十分新鮮，而刺身係「霞」依個餐亦係任食的。鮑魚又大又新鮮，估唔到放題亦食到如此質素。
當然要主打食「霞」只有既牛板腱。而餐廳所有嘅肉類調味主要分原味，韓風醬油，七味辛辣，山葵等等。客人可因應自己嘅喜好選擇。而我本身就較喜歡原味，再加上餐廳嘅燒肉醬汁。M5和牛西冷，油脂較少，更加突出肉本身嘅味道。唔似一般和牛，一入口只係一堆油。
餐廳嘅服務質素一流，每次order既肉類質量都10分好，唔會好似其他放題咁質量不一。依點已經好抵讚。
餐廳亦有一些熟食小食供應，而當中我最喜愛嘅係炸餃子，食得出係即炸非常用心。甜品及飲品亦選擇好多。
整體而言用大概最平嘅「雪」價錢，就食到高兩級既「霞」套餐放題真係超值
Post
