相馬日式火鍋 觀塘 (Closed)

觀塘火鍋火題有咁多選擇，偏偏我就誤信左朋友介紹，黎試左呢間相馬日式火鍋🥲一去到已經覺得唔多對路，餐廳入面通風好似好差，一大浸火鍋味。不過訂左位就照食啦，揀左中間價位既牛，第一眼見到d牛就覺得好瘦好瘦，仲要有筋，不過食落還好，都叫有d肉味😅另外仲有幾張紙仔可以點海鮮、炸物同一張好多款既炸雞翼～海鮮質素ok既，至少d蜆冇沙，其他海鮮雖然係急凍貨但食落都唔算好差。炸物就好笑d，拎丸同午餐肉呢d平價野去炸，以為像樣d既蝦多士反而食落得浸油味...炸雞翼紙寫就好多款，但出黎款款都係炸完個雞翼整少少調味就當係...相當冇誠意😓出面自助區就精彩，店內環境好窄，客人既枱同自助區只係一條走廊之隔，d自助野食冇冷櫃、冇野蓋住，毫無衛生意識...最恐怖既係......食到中途有隻曱甴係自助區個邊地下走過黎😱極不安！！！食物質素好一般，根本唔值呢個價🥲加上環境好惡劣，坐得迫之餘成間餐廳仲好焗，抽風好勁，食到後期多幾枱打邊爐直頭熱到標汗😓服務質素亦好差，店員唔多，店面成日想搵個人都冇，加牛叫完冇左回事，埋單又等幾轉先得閒幫你，仲要唔記得計番訂座優惠，要我地自己check單再計問番佢......呢間野實在不可一❗️