之前經過砵蘭街，次次經過呢間串燒店都會見到有人係到等位，跟住次次都會同友人講下次一定要黎試下，今晚終於都黎食啦!
餐廳唔算好大，但店員服務都很好!
看看點餐紙，樣樣都好似想食咁，最後就揀選了幾樣試下!
蒜蓉燒蠔($32/隻)，我同友人都係蒜蓉怪，呢度既燒蠔上面有爆多蒜蓉，啖啖生蒜味，真係好正!蠔肉多汁飽滿！
雞中翼($18/2隻)，雞翼佢有全翼同埋雞中翼揀，為左唔好食到成塊面都係，所以揀左雞中翼食!雞翼肉質嫩滑，有少少孜然粉同辣味!牛丸($16)及墨魚丸($16)，食串燒真係唔知點解好中意食丸，特別好食D。個外皮燒到脆卜卜，又有調味料，特別惹味!
1
燒茄子(原條)($32)，燒茄子又係每次必點的。茄子原條攤開上特別有霸氣，而且好似好健康咁!
茄子又係有好多蒜蓉，而且原條的話可以用筷子一條條咁撕出黎，特別過癮!
飲品揀選了王老吉($14)同埋津路烏龍茶($15)，兩者都係食串燒的好良伴。
總括黎講，因為第一次黎食的原故，食物點了小辣，個人覺得就唔係好辣啦，下次可以點中辣!同埋要再試下其他野食!
