得閒飲茶 (MONTEREY Place)

Open Now

Now Closed

環境位於將軍澳澳南海岸唐俊街,沿路係一望無際既海景, 地方舒適而且環境極好, 可以望住個海食,幾寫意鵪鶉蛋松露燒賣($55)都幾特別， 出面好少會見到有鵪鶉蛋松露燒賣。 好香既黑松露味， 咬落去仲有一粒鵪鶉蛋。蝦肉爽口彈牙， 大大粒，唔錯。蘿蔔絲酥餅($42)外皮幾酥脆，入邊既蘿蔔絲好香好新鮮，食落又唔會話好油好滯，好香脆。窩貼蝦多士($88)蝦肉爽口彈牙加埋塊多士既酥軟同爽脆幾好食，記得加埋d沙律醬同沙律一齊食，好開胃。焗叉燒包($38)外皮焗到金黃好酥脆，裡面叉燒好多汁，味道唔算好鹹夠適中，每份有三件都算抵食。柱侯金錢肚($45)口感嫩嘅唔鞋口，個柱侯醬汁都夠杰身濃郁， 味道上有少少辣， 好開胃！XO醬炒腸粉($78)XO醬好惹味， 勁香又好有鍋氣，腸粉辣辣地而且炒過嘅腸粉唔易散開，有口感幾好食。排骨陳村粉$48肉質幾淋，唔係好油。搭上底部有d陳村粉，d陳村粉索晒d味道好好食， 而且份量都幾多！牛肉球$38牛肉球好彈口， 都幾大粒下， 喼汁分開上可以自己加都幾細心。