Video
Read full review
2023-06-23
745 views
由佢開張開始已經好想食，成日都見到啲朋友影相打卡，但就唔到時間，今日終於可以食到，係我預期中嘅味道，感動🥹餐廳以50年代嘅香港做主題，走懷舊路線嘅火鍋店，入到去會見到有舊式撥輪電話、舊式打字機、留聲機、電視機…仲有門口架人力車，感覺真係置身於50年代中咁主打多款養生又美顏嘅火鍋湯底！我哋揀咗好多人推介嘅日本牛乳玫瑰鍋，用咗北海道牛奶煮成奶白色，加入日本玫瑰同食用花，有淡淡嘅玫瑰花香。仲有原個木瓜，好滋潤養顏咁🤭另外揀咗兩款必食嘅火鍋配料，賣相非常精緻，視覺效果一流，香江拼有多個不同牛嘅部位，整成立體玫瑰花非常吸睛，有安格斯肥牛、黑柏葉、牛白肉、牛柳粒、手切肥牛、牛心頂、牛脷、牛小腿，我最鍾意牛白肉，油而不膩，食爽口嘅淥3秒鐘就食得，牛心頂都係3秒鐘搞掂，鮮嫩爽脆，安格斯肥牛，牛味香濃，入口軟嫩，對於牛肉控嘅我嚟講，非常滿意👍🏻七彩餃子🥟顏色鮮艷吸引，包括金華火腿菜肉餃、冬菇薺菜餃、蟹肉黑松露餃、午餐肉粟米餃、蟲草花餃、姬松茸野菌餃、和牛香茜餃，每一款餡料都好有心思，其中我最鍾意蟹肉黑松露餃，黑松露味濃郁而且蟹肉好鮮味，姬松茸野菌餃，味道好突出，口感都非常豐富，本身好鍾意姬松茸，好少地方
餐廳以50年代嘅香港做主題，走懷舊路線嘅火鍋店，入到去會見到有舊式撥輪電話、舊式打字機、留聲機、電視機…仲有門口架人力車，感覺真係置身於50年代中咁
主打多款養生又美顏嘅火鍋湯底！我哋揀咗好多人推介嘅日本牛乳玫瑰鍋，用咗北海道牛奶煮成奶白色，加入日本玫瑰同食用花，有淡淡嘅玫瑰花香。仲有原個木瓜，好滋潤養顏咁🤭
另外揀咗兩款必食嘅火鍋配料，賣相非常精緻，視覺效果一流，香江拼有多個不同牛嘅部位，整成立體玫瑰花非常吸睛，有安格斯肥牛、黑柏葉、牛白肉、牛柳粒、手切肥牛、牛心頂、牛脷、牛小腿，我最鍾意牛白肉，油而不膩，食爽口嘅淥3秒鐘就食得，牛心頂都係3秒鐘搞掂，鮮嫩爽脆，安格斯肥牛，牛味香濃，入口軟嫩，對於牛肉控嘅我嚟講，非常滿意👍🏻
七彩餃子🥟顏色鮮艷吸引，包括金華火腿菜肉餃、冬菇薺菜餃、蟹肉黑松露餃、午餐肉粟米餃、蟲草花餃、姬松茸野菌餃、和牛香茜餃，每一款餡料都好有心思，其中我最鍾意蟹肉黑松露餃，黑松露味濃郁而且蟹肉好鮮味，姬松茸野菌餃，味道好突出，口感都非常豐富，本身好鍾意姬松茸，好少地方可以食到用姬松茸整嘅餃子
揀咗兩個有特色又精緻嘅飲品，鳳琉香同香芳幻，鳳琉香影相好靚，又係我鍾意嘅菠蘿🍍味，非常清新好飲
整體都好滿意，無論食物，環境同服務都👍🏻
加分位💯佢哋會話俾我哋聽，每種肉嘅時間都唔一樣，由淡味開始慢慢食至濃味。
Post
