豐盛燒鵝茶餐廳 (Closed)

黎左近朗屏呢邊買野，順便黎搵下食，就到左豐盛食下午茶，貪佢呢度地方大，枱同枱間夠濶落。落左兩份下午茶餐，店員好快就送上餐具及熱水，正好用黎洗洗餐具，哈哈。茶餐送餐飲，點了凍檸茶及熱奶茶，檸茶走甜就不苦澀，夠凍好解渴。奶茶很滑，同樣沒有加糖也很好飲。其中一份點的係燒鵝瀨粉，賣相挺不錯。燒鵝皮脆，皮下帶少許脂肪更甘香，肉也鮮味，有水準呢。下午茶來說份量頗多，湯底就一般啦。瀨粉軟硬適中，但粉有點碎，都ok嘅。另一份點了滷水雞脾沙律，賣相也是不錯。雞脾滷得很入味，雖然未到話肉嫩，但亦不鞋口，滷脾黎講算係咁。沙律很好味！已經好耐無食過呢款港式雜果薯仔沙律，現在好多店都慳功夫只做菜沙律。呢度個薯仔沙律酸酸甜甜調味剛好，薯仔軟腍但仍有咬口，好味好味。餐廳很大冷氣足，正好在熱辣辣的夏天休息一下。