餐廳都好大，午餐時間好多人，原來有定食可以揀，不過我地難得出嚟食就食放題。電子落單都好方便，等緊期間就輪流出去攞左啲熱食同前菜，炸雞，小丸子，雞翼，豬手等等，但估唔到仲有凍蝦同蜆，回本選擇之一！😜
轉過頭刺身就嚟啦！👍🏻叫咗甜蝦，赤蝦，帶子, 夠鮮好味道。
食左幾輪刺身就開始食啲創意菜式，鮑魚壽司，吞拿魚蓉帶子塔等等，一口大小，精緻又唔會太飽！
接著食一輪炸物，天婦羅炸蝦，咖喱軟殼蟹，夠晒邪惡但好滿足！
之後就食燒物，串燒例如羊架，牛舌同埋西京鱈魚！羊架，牛舌好嫩又香，鱈魚燒到香脆好食。👍🏻
整體食物質素都令人滿意，食飽又繼續有動力工作。💪🏻💪🏻
