Video
Read full review
2013-08-07
533 views
聽人講話哩間放題係同大喜屋同一個老細，咁諗住質素應該有番咁上下，就打電話book檯試吓啦！Book左食6pm果場，去到仲要排陣隊先有得入去，結果差唔多6:15pm先開餐。入到去環境好大，但D檯好迫，好似同隔離搭檯咁，唔係太舒服。不過黎食野je，所以食物質素最重要~~~「刺身」：有三文魚、吞拿魚、帶子、甜蝦、玉子、白玉豚、北寄貝等，全部都好新鮮，亦好肥美，加上用冰兜上，所以食到最尾都仲係好冰凍！最欣賞係落單時寫要幾多舊，佢會真係比足咁多舊你，唔會寒寒酸酸咁比少D，驚死蝕本咁！「壽司」：有好多款，特別推介火炙系列，佢係即叫即燒架，所以食落口仲有少少暖，好似「火炙三文魚壽司」咁，一燒起就送上檯，D魚油溶左喺面，食落好甘香，正！「炸物」：「牛肉炸薯餅」入面有少少碎牛肉粒，D薯蓉係撈埋D醃料先攞去炸，所以有陣咸香，又無話炸到好油，幾好食；「芝士年糕」就極力推介啦！表面炸到脆身；入面D年糕軟綿綿，又唔會話成舊粉咁好厚好實；最正係佢真係勁多芝士，一咬係爆哂出黎，勁滿足啊！！！「燒金目鯛」：另一極力推介，薄薄既魚塊加埋醬汁去燒，好香濃好入味，同埋哩隻魚既魚油好重，所以口感好豐腴，但就有D似鵝肝咁，食一
Book左食6pm果場，去到仲要排陣隊先有得入去，結果差唔多6:15pm先開餐。
入到去環境好大，但D檯好迫，好似同隔離搭檯咁，唔係太舒服。
不過黎食野je，所以食物質素最重要~~~
「刺身」：有三文魚、吞拿魚、帶子、甜蝦、玉子、白玉豚、北寄貝等，全部都好新鮮，亦好肥美，加上用冰兜上，所以食到最尾都仲係好冰凍！最欣賞係落單時寫要幾多舊，佢會真係比足咁多舊你，唔會寒寒酸酸咁比少D，驚死蝕本咁！
「壽司」：有好多款，特別推介火炙系列，佢係即叫即燒架，所以食落口仲有少少暖，好似「火炙三文魚壽司」咁，一燒起就送上檯，D魚油溶左喺面，食落好甘香，正！
「炸物」：「牛肉炸薯餅」入面有少少碎牛肉粒，D薯蓉係撈埋D醃料先攞去炸，所以有陣咸香，又無話炸到好油，幾好食；「芝士年糕」就極力推介啦！表面炸到脆身；入面D年糕軟綿綿，又唔會話成舊粉咁好厚好實；最正係佢真係勁多芝士，一咬係爆哂出黎，勁滿足啊！！！
「燒金目鯛」：另一極力推介，薄薄既魚塊加埋醬汁去燒，好香濃好入味，同埋哩隻魚既魚油好重，所以口感好豐腴，但就有D似鵝肝咁，食一舊就夠哂，多食會好漏。
「卷物」：「鰻魚芝士卷」塊鰻魚幾厚身，不過舊cream cheese就無咩芝士味；「煙鴨胸芝士卷」塊鴨胸幾好味，但同舊壽司飯就唔太match；「牛油果軟殼蟹卷」好好味，牛油果同軟殼解好match，軟殼蟹入口時仲係脆架，good~~
「燒羊鞍」：好淋，用左好多香草醃，所以好入味，亦有羊味但又唔會過騷。
「蒜香牛柳粒」：哩個就唔推介喇，牛柳粒整到好乾，好un，每舊都有渣。一間水準高既放題，食物質素高，店員收碟都收得快，亦好少出現漏單。雖然比坊間既放題貴（差唔多$250/人），但好食既話都值得既
Post
