五行 (Closed)

好油好油好油既IFC拉麵新店 GOGYO - 五行拉麵話說D日本人朋友話IFC新開左間拉麵唔錯，仲話NO.1 in Hong Kong 咁話，有冇咁堅呀? Let me check it out sin! 一去到門口，完全無人排隊，多數拉麵無人排隊都知有D問題，不過果時兩點鐘，可能過左lunch Hour姐，試試啦。座位擺設都幾好，就算一個人去食都唔覺自己好可憐同異類，你知我呢D年紀有番咁上下就敏感嫁啦。好! 叫佢個招牌五行味噌湯拉麵check下水溫先，另外加20蚊有個細魚生飯過下口引。落單果時姐姐已經同我地講個五行麵好油，我地以為係香港人口味既好油對於我地呢D食拉麵大既應該無問題，所以照叫!點知中哂招，碗麵真係好油，D油唔係豬油，應該係後加上去既一層植物油，D油同D湯係分開既(有相為証)，好古怪。。。D麵都夠硬度不過無咩咬口，「差」燒，糖水蛋還可以啦。