吉壽日本料理 (Closed)

旺角好多日式放題店，今次就去左吉壽！位於旺角雅蘭隔離，位置極為方便，而且近排新裝修，座位環境都好舒適，食物質量不俗！先點一個刺身拼盤，D刺身好新鮮，擺盤都好靚，令人食慾大增！三文魚、劍魚腩是厚切！三文魚魚脂分布均勻。。沙律吧勁似去左高級酒店！款式多，沙律菜都好新鮮，醬汁有幾款選擇，正！冷盤前菜芝麻八爪魚好惹味彈牙，芝麻味好香濃，幾好~泰式鳯爪酸酸地涼浸浸，鳯爪又好爽口，好開胃! 辣味螺肉好爽口，辣辣地䶢䶢地，好惹味日式放題當然唔少得串燒。牛舌串燒好滑，肉汁鎖晒係肉裡面，並無因為串燒而流失晒。呢度價錢相比起同區既較為大眾化~ 質素唔差，值得一試! 下次生日飯有聚腳點LU！