樂天大喜屋 (Closed)

同朋友趁三日假卜左呢間食午市放題！食足三個鐘，12-3, 每位$208加一！一去到極速叫野食，佢由A至M，有成十幾張，夠曬多選擇！除左刺身壽司，仲有炸物，連燉湯，雞煲，花膠，酸辣鳳爪都有。。。。款式真係夠曬多！佢侍應都算多，遞一遞手即刻有人過嚟！飲品區同甜品區喺出面，佢有哈根大c雪糕，但只係有一隻味，味道略嫌比較單一。刺身好快就到，落左單10分鐘左右就有，刺身好新鮮，三文魚好大片，都唔會有"梅"嘅口感，好實淨！其他刺身都幾好食。。。之不過咁，去到第二轉，三文魚差左好多，有啲入口即溶嘅感覺。。。唔係好得！其他野食其實都好味，推介嘅有燒蝦，醬汁好醒神，一流！鳳爪同牛柏葉都好正，佢個酸辣味調得好好！總括嚟講，以呢個價錢食足三個鐘真係抵，選擇多之餘而且樣樣都幾好味！