和宴

Open Now

Now Closed

想嚟一餐非常豪華嘅日本菜燒肉，可以嚟尖沙咀嘅和宴，真係好好食，而且仲有燒酒飲，一餐落嚟真係好正！！一次同朋友一齊嚟用餐，叫咗佢哋推薦嘅Tasting menu，感覺好抵好好食，值得嚟多幾次。佢哋係先上一啲沙律，我哋先食咗啲蔬菜開開胃，入面嘅蔬菜種類都幾豐富嘅。然後就係海鮮煎餅，油香四溢，而且入面仲放咗啲海鮮，味道非常之好。仲有一款特色法國麵包配和牛，入面嘅醬汁係他他醬，鹹鹹酸酸，非常開胃。接落嚟食肉，我哋就胃口大開。燒肉嘅肉好多，然後好多都係上等嘅和牛，睇menu都係宮崎和牛，包括有牛排肉、上肩肉眼、薄切牛板腱同牛舌，仲有鹿兒島豚嘅五花。陣容非常豪華，而且每一份都有自己嘅特色。印象深刻嘅係佢哋嘅薄切牛板腱，因為係特製壽喜燒風味，食嘅時候仲要配日本蛋，呢個獨特嘅味道係外麵食唔到嘅。配上嘅海鮮入面嘅大蝦亦都係非常大隻，烤起嚟香味非常醇厚，食嘅每一口都係滿滿嘅蝦肉。帆立貝嘅肉亦都係好大粒，食住肉質好滑，好享受！食住海鮮同咁多燒肉，嚟上一杯燒酒sake，簡直就係人間極品！非常之正！最後食飽後休息，嚟上一碗雪糕細品，真係好放鬆。呢度唔止可以食得好飽，仲可以好好享受食肉飲酒嘅快感，真係值得嚟嘗試嘅