亞金南洋茶室 (Two Harbour Square) (Closed)

馬拉係其中一個我我好鍾意既國家，但因為疫情關係無得去，但我又好掛住馬拉菜，唯有搵啲馬搵菜既餐廳去填補下心靈上嘅空虛。今次搵到黎觀塘既亞金食馬拉菜，就好安心出行同埋量體溫就入座了！一開頭就叫咗個亞金小食拼盤，入面有蝦餅、雞翼、春卷同埋肉串，當中蝦餅同埋春卷較為出色，蝦餅蝦味夠而且成塊蝦餅唔鬆散，食落口彈牙，相信係打蝦膠嘅時候落足功夫！春卷應該係全素菜，外身炸至香脆可口，而內裡既素菜又好爽口，層次感多而且分明，做前菜一流！其中一個好有特色既馬拉菜就係椰漿飯，咁我就叫咗個南洋醬炒牛柳粒馬來椰漿飯，呢碟飯帶有些少fusion既感覺，首先椰漿飯帶有陣陣椰香味，再加上面頭既香辣醬，普通既飯都變得多層次，而且好開胃，另外牛柳粒大細剛好，一口食得晒，牛柳粒肉質嫩滑，南洋醬味道好新穎，配牛柳粒同埋送飯都一流！仲有不得不提既馬拉菜一定係肉骨茶，我地就叫咗一字骨肉骨茶配白飯及油條，肉骨茶湯底濃郁，茶藥味唔算太重，湯底清純唔油膩，一字骨骨肉容易分離，肉身亦吸盡湯底精華，仲有樣最正既就係條油條，炸得非常非常之脆，就咁空口食定浸一浸湯再食都同樣出色，只可惜油條無得散叫，唯有食其他野補數！