富臨酒家 (Closed)

蛇羹食得多，蛇宴就第一次食，我又唔係特別中意食蛇，朋友叫到試吓無妨。睇份餐單，最吸引我係臘味糯米飯同炸子雞。碗蛇羹食唔出及食唔到有咩蛇肉，不過都預咗，反而七彩炒蛇絲同酥炸五蛇丸就失望鳥，蛇肉口感韌咗少少，而且乾身咗少少。我無咩食蛇經驗，如果蛇肉口感正是如此，咁相信蛇肉唔啱我胃口。生炒臘味糯米飯又係失望之極，臘味少得可憐，花生又無，連蔥都少過人！望上去已經全無好感....幸好炸子雞都叫皮脆肉滑，加翻d分！荷葉籠仔蒸大鱔係最大驚喜，我一向唔識食蒸鱔嘅煮法，只食鰻魚制法，因為唔識處理d好細嘅骨，哩次蒸大鱔居然連大細骨都食唔出，以為只係好彩，點算連食幾件唔同部位都無骨！咁細心嘅處理手法，抵讀啦！如果唔係炸子雞囉翻d分同哩條驚喜蒸鱔，相信今次蛇宴會俾負評。