Video
Read full review
2018-08-17
574 views
好多人誤會素食就一定好清淡,但係其實都可以有好多選擇 好似呢一間喺尖沙咀嘅印度素食 ,雖然選擇唔算太多,但勝在樣樣都好有水準,而且職員仲非常好客,值得推介!餐廳設計都好新穎,用咗唔同嘅煮食用具同埋玩具做裝飾 驟眼睇落去完全唔似印度餐廳, 真係夠曬估你唔到!❤❤❤餐廳亦都好貼心,覺得客人未必識睇英文同印度菜名,所以就為我哋準備咗中文菜單!但係中文菜單比較難翻頁,希望可以改善一下先來一個粟米湯同西式嘅好唔同 ,比較清淡,但係除咗粟米之外亦都用咗好多唔同雜菜去煮所以可能粟米味就冇咁明顯,但係清清哋都食到雜菜嘅鮮甜,唔錯!我哋放咗一段時間先食呢個包,因為掛住傾計!但係放咗一陣都依然好食,有麵粉包住蒜蓉黎炸,粉漿唔會太厚!蒜蓉炸完之後亦都唔會太過攻鼻 無醬點亦唔覺得好乾! 但係辛辣嘅感覺就會喺你口腔持續一段時間!圖中左下角係番茄乳酪,右下角係雜菜咖哩,上面中間嘅就係蒜蓉烤餅! 只可以話呢一間印度餐廳嘅呢類餸菜係特別出色風味十足!我以為兩碟菜個顏色差唔多味道就差唔多,點知係完全唔同嘅味道,各有特色!番茄乳酪入面有少少類似水牛芝士嘅物體, 軟綿綿淡淡地唔會搶咗個乳酪嘅鮮味 而且入口就非常之濃郁,有蕃
餐廳設計都好新穎,用咗唔同嘅煮食用具同埋玩具做裝飾 驟眼睇落去完全唔似印度餐廳, 真係夠曬估你唔到!❤❤❤
餐廳亦都好貼心,覺得客人未必識睇英文同印度菜名,所以就為我哋準備咗中文菜單!但係中文菜單比較難翻頁,希望可以改善一下
粟米濃湯
7 views
0 likes
0 comments
先來一個粟米湯同西式嘅好唔同 ,比較清淡,但係除咗粟米之外亦都用咗好多唔同雜菜去煮所以可能粟米味就冇咁明顯,但係清清哋都食到雜菜嘅鮮甜,唔錯!
炸蒜頭包
9 views
0 likes
0 comments
我哋放咗一段時間先食呢個包,因為掛住傾計!但係放咗一陣都依然好食,有麵粉包住蒜蓉黎炸,粉漿唔會太厚!蒜蓉炸完之後亦都唔會太過攻鼻 無醬點亦唔覺得好乾! 但係辛辣嘅感覺就會喺你口腔持續一段時間!
印度烤餅蒜蓉味,番茄乳酪,雜菜咖哩
10 views
0 likes
0 comments
圖中左下角係番茄乳酪,右下角係雜菜咖哩,上面中間嘅就係蒜蓉烤餅! 只可以話呢一間印度餐廳嘅呢類餸菜係特別出色風味十足!我以為兩碟菜個顏色差唔多味道就差唔多,點知係完全唔同嘅味道,各有特色!
番茄乳酪入面有少少類似水牛芝士嘅物體, 軟綿綿淡淡地唔會搶咗個乳酪嘅鮮味 而且入口就非常之濃郁,有蕃茄少少酸味令到成個菜冇咁油膩 點咗幾碟印度烤餅都覺得唔夠喉!
雜菜咖哩入面其實係好少食到一粒粒嘅蔬菜,建議可以擺番多少少蔬菜粒增強個口感! 呢一個相對嚟講奶味重少少而且咸啲, 適合鍾意食濃味嘅人士!
咖哩角
6 views
0 likes
0 comments
2 views
0 likes
0 comments
我頭先咪提到餐廳職員係好好客 ,其實除咗招呼好,會注意到客人嘅需要,有禮貌之外,仲真係好好好好客!!!
點解呢?因為以上嗰兩碟餸都係送畀我哋食完,全冇收錢,而且每檯顧客都有!!!😍❤😍❤😍❤菜式用非常精緻嘅容器裝起 ,賣相好吸引, 個個都影相㗎卡, 而且每一台送嘅菜式都有少少唔同,等客人可以試到唔同嘅嘢食😊😊😊!
其實我哋三個女仔已經好飽,仲係咁送嘢畀我哋食不過盛情難卻,唯有食左佢囉!
個咖哩角係好辣我覺得入面比較乾身,但係都係好香 ，真係太辣食唔到落去囉! 另外呢個菜會畀一碟鷹嘴豆醬你點,但係我哋成枱人都唔鍾意食鷹嘴豆,哈哈!
單車造型係類似印度炒米粉, 張米粉整碎 較容易入口同埋冇咁顯飽 而且醬汁酸酸甜甜 ,又有少少辣,其實有d似凍咗嘅星洲炒米!
我覺得呢個都適合做前菜,因為口感都幾似沙律 我畀五星佢!下次再嚟食一定會點呢一個菜既正常分量! 我所講嘅就係圖中餐牌第一碟餸 !
Post
