御前磯燒 (Closed)

星期日同個bb 出黎食飯，正值下午繁忙時間，都要等一陣位，亦有人係門口等緊外賣（約10分鐘後有位），店仔細細，有卡位，有普通餐台位置，雖然係細細鋪頭，但都好靚，有好多日式燈籠。黎到坐低叫野食，叫左個魚生飯同滑蛋鰻魚飯，各六十零蚊，份量正常，但唔算太大碗。味道正常！滑蛋鰻魚飯都幾多汁，當日既魚生飯有隻蝦，仲有三文魚， 吞拿魚 希靈魚， 八爪魚 等等既食材 配甜蛋，生薑同醃蘿蔔，都鮮味，想提下佢既服務，全店既店員都好友善，全部都經常講唔該，麻煩哂，見我地有bb仲主動問要唔要bb椅。