御前磯燒

見到近近地係華明附近有間日本野食諗住試下叫左個豬軟骨炒飯有鑊氣而且味道不錯再叫埋其他壽司都好唔錯服務態度都幾好下次會再食如果住開附近又想食日本野既朋友仔不妨一試會推介各位…查看更多

每個人都一定會有一兩間小店，好想佢永遠都可以撐住💪🏻呢啲小店通常都唔係好多人知道，但食完就feel到老闆好用心做好食物，所有嘢都好高質👍🏻呢間就係我心目中嘅其中一間，性價比勁高，服務又好，坐得又舒服👍🏻原條鰻魚丼條鰻魚超長😍 重點係肉質好實淨，調味同燒汁份量又啱啱好，唔會搞到下底啲飯濕笠笠👍🏻而且呢一個鰻魚飯係一個套餐， $100都唔使嘅價錢，就包埋麵豉湯同中華沙律👏🏻鋪頭仲有好多套餐，全部都唔過$100和風燒羊架燒得岩岩好，唔會太生或者太熟，食落仲有肉汁🤤羊架有啲鹽、孜然粉同黑胡椒調味，簡簡單單，但只要個羊架燒得好，就已經好好味😋芝士吉列廣島蠔卷好特別，喺其他舖頭都未食過雖然中間粒廣島蠔有啲細，但真係每一舊卷都包咗啲蠔喺入面啲蠔全部上碟都仲係脆嘅，唔會俾啲飯整到腍晒加埋面頭燒過嘅芝士，入口即溶，令到成個卷口感好豐富👍🏻味道：🤤🤤🤤🤤🤤/5性價比：🤤🤤🤤🤤🤤/5菜式：- 原條鰻魚丼：$98- 和風燒羊架：$55- 芝士吉列廣島蠔卷：$68…查看更多

品嚐了一份刺身飯，整體而言，這是一道令人滿意的美味佳餚。首先，刺身的新鮮度令我印象深刻。每一塊刺身都散發出海洋的清新氣息，鮮美的味道在口中綻放。刺身的質地絕佳，三文魚軟嫩多汁，吞拿魚肉質鮮美，還有那口感滑嫩的帶子，每一口都令人愉悅。此外，刺身飯的米飯也非常出色。米飯粒粒分明，口感QQ的同時又不會太軟爛。米飯上淋上微甜的醋味，恰到好處地平衡了魚肉的鮮味，讓整體口感更加豐富。除了刺身和米飯，配菜也是這道料理的亮點之一。新鮮的海苔紮實而脆口，增添了飯碗的口感層次。此外，薑片的微辣和醬油的鮮鹹味道與刺身相輔相成，提升了整體的風味體驗。總體而言，這份刺身飯給我留下了深刻的印象。新鮮的刺身、口感完美的米飯以及美味的配菜共同創造了一道令人愉悅的料理。如果你是刺身愛好者，我強烈推薦你來嚐嚐這道刺身飯。你絕對不會失望！希望這個食評能夠幫助到你，享受你的美食旅程！…查看更多

今日灑禮後聚餐閑談，有大人有小孩，坐得舒服，呢間真係唔錯，乾淨企理。點了豬軟骨拉麵，炸蝦炸蠔拉麵，軟殼蟹牛油果卷，芝士年糕，南瓜餅。豬軟骨拉麵：湯底好味，豬軟骨又正，有椰菜，紫菜粟米做配料，麵也軟度合我，唔會太硬。炸蝦炸蠔拉麵：炸物與麵分開上，唔會令炸物口感改變，粉係厚了一點，但實在炸得好脆軟殼蟹牛油果卷：冇得輸，值得encore 芝士年糕(係流心的，可惜拍唔到，超芝味)南瓜餅(粉薄，南瓜味出，超吸引)有伴去食多唔同味為佳。…查看更多

粉嶺除了聯和墟，其他地方餐廳的選擇都不太多。今次為了去華明邨寄速遞，就係附近食埋Lunch。呢間小小的日式餐廳，就有齊壽司、定食、拉麵等。Lunch會不同的set，各類的食品都基本有齊。餐廳採用QR code自助落單，大家落單就可以安坐等食。我點了角切魚生飯，除了常見的玉子、三文魚、八爪魚，魚生飯仲有少見的吞拿魚、鯛魚，及有一隻刺身蝦！\(//∇//)\ 超級豐富！屋企人就叫了一碗大淹辣味熟三文魚飯，由於我唔係好辣得，所以就無試到。屋企人的評語就話麻麻地。每款午餐都奉送日式前菜及麵豉湯，麵豉湯味道咸了點點，前菜正常發揮。為食的我又點會一個lunch set滿足到我？天婦羅軟殼蟹份量還好，炸得香脆的外殼，內裏的蟹肉都有少量蟹肉。總括然而，店子小小的，坐落有少少迫。不過所有職員都好有禮貌，而且仲貼心提食客拎回雨具才離開。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

今日去探親戚，附近隨便搵食發現呢間日本野都算骨子，入到去見啲食物都價錢都親民每樣$5x-6x三人叫左三樣主食+一樣小食吉列豬扒拉麵🍜豬扒吉列皮好脆，拉麵湯底算淡，唔會太鹹吉列海鮮撈烏冬一向鍾意食烏冬，烏冬都煙靭，炸物香脆既，係醬汁比想像中淡軟殼蟹炒飯軟殼蟹好味，炒飯多料，味道比較天然。我都鐘意呢樣炸多春魚，都好好味，多春唔腥、鬆軟總括：佢食物都好食👏🏻算係原味唔會味重。如果喜歡味濃既人可能會覺得淡左啲。屋邨餐廳咁質素算好唔錯，係居民既話可以多多幫襯， CP值高既…查看更多

兩年無食，試下有無分別，價錢貴左，質素好左。😀😀😀😀原條鰻魚定食：好大條鰻魚，無骨又厚，多汁，飯如果用珍珠米就更好食。😄😀鯖魚定食：比想像中大條大塊，唔會煎得好乾身，啖啖肉，唔熱氣。😃😄😃😄😃😄日式咖喱雞飯，好大塊雞，大大碗，醬汁好濃唔辣，唔錯。🤗🤗🤗🤗壽司方面叫左火炙比目魚壽司和芝士蟹柳壽司，足料好厚又香，價錢$25/碟。😋😋😋😋😋😋😋😋😋😋😋…查看更多

—係北區華明邨黎講，雖然條邨唔係大，但四方八面都有唔小野可以食，其中都有幾間係唔錯既，今次介紹返就係華明商場入面既御前磯燒，係一間日式定食店，有壽司、刺身、串燒同定食。𝐎𝐫𝐝𝐞𝐫:⧐鰻魚定食 | $90鰻魚定食本身包左一個面麵鼓湯，先講鰻魚定食既主食，咁主食一定係鰻魚啦，鰻魚成條上，切左就4舊大大舊，配埋鰻魚燒汁係基本。鰻魚大大舊，雖然係外賣拎走，但係暖身，入口啱啱好。配埋大大碗麵鼓湯，都幾重味。不過麵鼓湯就係要重味先啱。但對於個小邨既價錢黎講比較貴小小，但鰻魚本身都係偏貴既食材，同埋原條上份量都好夠，所以價錢都還可以，起碼味道好味先。—📝評分味道 ⁴ / ⁵環境 ⁴ / ⁵服務 ⁴ / ⁵衛生 ⁴ / ⁵抵食 ⁴ / ⁵—📍 御前磯燒粉嶺華明路21號華明商場地下G20-G21號舖…查看更多

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻 📸打卡指數： 👍🏻👍🏻🪑環境衛生：  👍🏻👍🏻👍🏻👍🏻🤵🏻店員服務：  👍🏻👍🏻👍🏻👍🏻 御前磯燒係屋村的日本料理，價錢都好親民，街坊生意就一定唔係好好食既日本菜，但近近地食下壽司都唔錯。牛仔骨定食  ( $88 )定食都好抵食，隨餐附送麵豉湯同醃蘿蔔牛仔骨好野味，可以一試。芝士黃金蝦卷  ( $68 )芝士黃金蝦卷 值得推介，依個價錢做到好食日本餐廳質素，炸蝦唔會稔，脆脆地幾好。壽司: 帶子, 三文魚, 三文魚腩, 吞拿魚,  赤貝, 鰻魚壽司個塊刺身就有啲薄，想啖啖肉可能要食刺身，赤貝都幾鮮甜，不過三文魚就普通啲，不過無渣無筋算ok， 鰻魚就有啲乾，帶子夠滑有鮮味。…查看更多

🌸屋村日本料理🌸食過呢間餐廳好多次，食物大致上都OK，價錢親民服務：🐣🐣🐣🐣🐣環境：🐣🐣🐣🥚🥚呢個舖既職員超有禮貌👍🏻👍🏻👍🏻又會不停主動斟茶，綠茶好夠熱👍🏻👍🏻👍🏻蕃茄肥牛拉麵🍜味道：🐣🐣🐣🐣🥚蕃茄湯好甜，冇蕃茄😂啲肥牛就幾新鮮👍🏻👍🏻拉麵亦都幾爽口彈牙，呢一個價錢黎計算係咁👍🏻👍🏻👍🏻吉列蠔炸蝦拉麵🍜 味道：🐣🐣🐣🐣🥚今次個湯係豬骨湯底，好食過蕃茄湯底，吉列蠔有兩隻，炸蝦都有兩隻，啲蝦好甜好新鮮👍🏻👍🏻👍🏻炸粉唔會太厚，炸蠔就有少少腥味🤣不過都對得住呢個價錢👍🏻👍🏻天婦羅蝦冷烏冬味道：🐣🐣🐣🥚🥚個烏冬都幾彈牙，但係個天婦羅冇比汁我哋😂😂蝦都係幾新鮮👍🏻👍🏻不過不失啦…查看更多

隨餐有附送麵豉湯同中華沙律，正正常常，中華沙律都俾得幾多下，麵豉湯唔會過咸，但係個湯入面有一舊硬物... 我冇出聲。滑蛋豬排飯豬扒食得出有啲凍，唔係即刻炸，所以有啲重淋。個滑蛋有啲過鹹，佢嘅飯係用日本米嘅，整體唔夠汁。豚肉生薑燒呢個豚肉生薑燒佢煮得好香 ，呢個就夠汁，仲有椰菜炒埋一齊。但係豚肉係好薄身嘅，煮得有少少老。間鋪頭好細，1230 去到差D冇位。整體一般，但價錢都真係算抵食。服務都算唔錯，姐姐會主動問洗唔洗加茶。…查看更多

今日和家人到粉嶺食lunch ,睇到附近餐廳得呢間滿座 ，一於試下先侍應安排入座速度算快，態度良好 我的係地獄海鮮拉麵，不算很辣的，大家可放心吃，只係湯底略咸了點 ，海鮮係急凍貨，但食唔到雪味的家人叫了吉列蝦，蠔拉麵呢個湯底就剛好無過咸，吉列蠔同蝦都炸得酥脆無一口油叉燒拉麵 叉燒半肥瘦 不會好乾 整得幾甘香肉味扎實叫左刺身壽司油甘魚刺身 ，入口油潤腴美劍魚腩刺身，鮮甜無渣無筋兩種刺身都厚切，正壽司穩打穩扎，食到新鮮便很滿足了！在粉嶺有一間性價比高的日本餐廳真係開心，希望可以係呢區多啲呢啲餐廳…查看更多

CP值：4.5/5價錢Price:- 滑蛋鰻魚丼 Eel with Egg Don: $68- 自家製日式豬軟骨拉麵 Porcine Cartilage Ramen: $56(加一服務費 with 10% service charge)尼間真係性價比好高嘅日本餐廳👏🏻個滑蛋鰻魚丼有勁多鰻魚， 而且肉質都好彈牙，但個汁就有少少太甜滑蛋做到半生熟效果，而且有好多好爽口嘅洋蔥， 正！😋碗飯勁大碗，仲要包埋麵豉湯同前菜，真係多到食唔晒🤰🏻日式豬軟骨拉麵個豬軟骨煮得好稔，好入味🤤雖然個拉麵嘅湯睇落好清，但食落都好夠味其實除左尼2樣嘢食，尼間餐廳嘅其他野食都大件夾抵食，而且仲要好好味👏🏻👏🏻員工又好有禮貌，真係好值得一再幫襯👍🏻👍🏻The cost-performance ratio of this restaurant is very high!👏🏻Lots of eel could be found in the don. The eel was chewy and fresh but the sauce was a bit too sweet.The egg was over easy and mixed with fresh and crispy onion.😋The size of this don was very large. Also, this set included miso soup and seaweed salad. I was so full and could not finish the whole set.🤰🏻The porcine cartilage was cooked very well. The texture was soft and chewy.🤤Although the soup looked so light, the flavour was alright.Not only these 2 dishes, other dishes are economy and delicacy too. 👏🏻👏🏻The waiters and waitresses are polite and nice.This Japanese restaurant is worth visiting.👍🏻👍🏻…查看更多

Lunch時間，唯獨呢間日式餐廳門外有人龍，行左成個商場，真係得佢比較吸引，加上以日式野黎講，價錢唔算好貴，最終決定食佢。餐廳提供QR code供客人落柯打，特別之處，係可以按自己要求而點選/取消配菜。我柯打多菇多洋蔥既滑蛋豬扒丼，估唔到餐廳雖然忙，但都真係有按我要求整多菇多洋蔥，絕對唔係得個講字，呢個真係抵讚!!多菇多洋蔥既滑蛋豬扒丼 $55每個餐都跟有前菜同豉湯，前菜係中華沙律，入口貨無特別；反而麵豉一d都唔hea!! 裡面仲有豆腐粒、海帶，不過略鹹。無論係豬扒、飯、定蛋，份量都相當多，有一種食極都有既感覺!! 豬扒唔係薄切，食落口感札實；炸粉已經吸滿醬汁，所以食落唔乾，唔會有雪味，當然亦無豬味。洋蔥仲保留少少爽，岩我口味；滑蛋調味都ok，鹹甜適中，非常送飯。角切魚生飯 $78內有7款海鮮同玉子粒，賣相豐富。友人表示味道一般，稱唔上好味，但又唔係唔好味，只係唔夠鮮。芝士黃金蝦卷 $68份量一樣多，一客有8舊，即叫即整；炸蝦蝦味偏淡，唔算大隻，但夠熱夠脆，蝦尾都卜卜脆!! 餐廳價錢抵，份量多，堂食無加一，外賣仲有折，難怪無論堂食定外賣都有捧場客。以呢個價錢，食呢個質素，無野好彈。…查看更多

有驚喜有驚喜👍👍！晚上同小鬼到華明村食飯，見到有間日式料理未食過就決定去幫襯下！門口有位好勤力又有禮貌男生招呼我們坐下來，並為我們量體溫做促防疫工作。💪🏼餐牌選擇頗多，燒物、刺身、炸物、定食應有盡有！🍻麒麟啤 $34天時暑熱今日辛苦了來支大啤放鬆下，獎勵一下自己！冰凍啤酒爽呀🤣🥢御前刺身拼盤 $208厚切三文魚腩、劍魚腩、帶子、油甘魚、赤貝全都是我至愛，口感豐富件件鮮甜，赤蝦刺身勁大隻爽口鮮甜，這店提供的日本芥辣超刺鼻好刺激。🥢原條鰻魚丼 $78大大條無骨鰻魚過足癮，就是汁欠了一點，珍珠飯的軟黏性差啲！整身都是…查看更多