倫哥尊尚火鍋私房菜 (Closed)

幾年前食過兩次倫哥，食材和味道都幾滿意，就算三百幾元一位都覺得抵。最近Farewell同事，於是諗起倫哥不限時任食，方便吹水。但係，今非昔比，質素令人好失望。先講雞煲，味道還可以，算中等水準。刺身和蒸海鮮都叫ok。但火窩配料真係好劣食，所謂的手切牛頸脊真係非常麻麻地，就算菜也是又爛又枯，連火窩豉油都無調味過，仲衰過屋企豉油。$380一位，完全唔值。最衰就係，吃了大約兩小時多少少，問我地食完未，我地話食飽，然後佢就快手快腳收嘢清枱，張枱上的食物渣滓、碗碟、豉油，毫不留情地丟入枱中個窩底，搞到成盤餿水，異常之核突嘔心，而且動作粗魯，幾乎彈到我們的衣服。之後還遞上賬單。我地仲以為清好張枱係方便我們傾計，因為是不限時，但經過剛才的嘔心，大家都覺得此地不宜久留，埋單走人。成餐飯的體驗好差，個個侍應都目無表情，服務水平低，加上食材質素差，老實講$380位唔平，我地仲叫埋啤酒，人均$500（唔包酒精飲品），如此水平，我寧願去食日式火窩，又戓去三四星酒店吃buffet。