124
3
1
4-min walk from Exit A, Jordan MTR Station continue reading
All Branches (6)
Telephone
55466499
62093572 (whatsapp)
Introduction
This hot pot restaurant is launched by an artist, David Do. It offers hot pot and spicy chicken pot. The seafood and sashimi platter is really fresh with an enough portion. After finished the chicken pot, the restaurant will serve you a new and delicate hot pot soup with you. It also provides double-stewed soup with lots of ingredients. continue reading
Opening Hours
Today
18:00 - 01:00
Mon - Sun
18:00 - 01:00
Payment Method
Visa Master AlipayHK Alipay Cash
Number of Seats
100
Other Info
Online Reservation
Wi-Fi
May Bring Your Own Wine
VIP Room
Phone Reservation
Reward Dining Points
Delivery
10% Service Charge
TV Broadcast
Spot payment
About Reward Scheme
Review (143)
Level4 2019-03-26
3998 views
天氣涼涼地,朋友即係話要去打邊爐。一向都知【倫哥】超爆場,嚟到真係全場滿座,唔訂位真係冇得食架! 記住一定要訂位呀! 睇個餐牌都知陣容鼎盛,食落就知超大份量!麻辣小食係木耳,冰凍爽口。胡麻豆腐。蒸蟶子。花膠鮑魚,炆得入味又養顏。雪櫃飲品同五花茶都係任飲,五花茶微甜又好飲。刺身:蝦、北寄貝、三文魚、八爪魚‥‥‥ 最好食係帶子。雞煲可以揀唔同辣度,揀左BB辣,惹味得嚟又唔會太辣。中途可以加入牛栢葉、水魷及豬皮一齊煮「嗦」吓味,可惜牛栢葉、水魷份量好少。食完雞煲揀湯底打邊爐,鴛鴦湯底唔駛加錢。環球海鮮拼盤樣樣新鮮,有好多仲可以encore,任食紙有架。二人份量但蟹得半隻,唔知點分。好少見到咁肥美嘅蟶子。牛頸脊有雪花紋,牛肉味特別濃,但每人只有三四片,唔多夠喉。雲吞拼水餃、黑松露手打黑白蝦滑、 蔬菜籃,響鈴係低鹽少油,魚皮更加係即炸,熱辣辣夠鬆脆。甜品係黑糖冰粉,食完喉嚨好舒服。其實好多朋友食過都話超飽,叫我留定肚。 我已經一早留左肚,但事實係:食完 「非任食項目」我已經gg,一樣 「任食項目」我都叫唔到囉,份量真係超大,定係我個肚仔太細!? continue reading
(The above review is the personal opinion of an user which does not represent OpenRice's point of view.)
Level4 2019-03-01
3801 views
呵呵!已經跟朋友說過很多次了, 今天終於有機會來一嚐明星火鍋的魅力!這間火鍋店的老闆之一,就是「愛回家亅的「細楊生亅杜大偉,聽聞常常有大台的小生花旦在這裡的 VIP房內開餐!哈哈! 在明星效應之下,我已經 無數次聽到大家都在推介這家火鍋!好!先試店家的名物「阿嫲雞煲亅, 根據風趣幽默的阿姐店員的指示 ,雞煲一滾起,就要每兩分鐘攪拌一次 以防黐底 , 攪拌四次共八分鐘,雞便會全熟,可以進食。在四分鐘的時候加入牛栢葉、魷魚、豬皮一齊煮, 便可以讓這些 街頭小食名物 ,全然吸收到雞煲的精華後, 變得美味可口。這個雞煲裏面,我覺得最好食的就是魷魚和豬皮。 雞件不是不好吃, 只是它 大部分都是雞翼斬件造成的, 對於不吃雞皮的福福郎來說, 就好像沒有什麼可吃下肚了! 如果能夠讓食客選擇自己想吃的雞部位, 那就好了, 一定會大大加分!!。。。🦉識食火鍋,當然是要揀鴛鴦鍋來吃, 因為一次過可以品嚐兩種不同的口味, 快感x2!我們今次便揀了「蕃茄薯仔湯底亅和「芫茜皮蛋湯底亅, 貪其清清地, 用來淥海鮮可以突出海鮮的真正原味和鮮甜味。今晚的海鮮很豐富,有蟹丶蝦丶 蟶子丶大蜆丶 厚切龍躉王丶薄切龍躉片丶魷魚, 還有新鮮蝦滑和墨魚滑!!其他配菜的選擇也十分之多!你看我們叫的蔬菜籃丶豆腐丶粟米。。。 多麼大堆頭哦 !!而且因為餐廳人流多丶流量大,東西吃起來感覺都是很新鮮的。另外,當然唔少得我最喜歡的牛肉,今次叫的是牛脊背肉, 比較瘦 ,肉質紋理分佈均勻, 牛味較重 ,一點也不肥膩, 最合喜歡keep fit的福福郎。在那麼多的海鮮之中,我最喜歡「草蝦」和「厚切龍躉片亅。我鍾情草蝦的蝦味濃郁, 龍躉片的質感和其超厚魚皮內的骨膠原。。。。,🦉在等湯底滾起的時候,店家還很細心的 弄了 一碟「鮑魚炆花膠亅丶一碟「雞腳雲耳亅 及一盤刺身拼盤給我們 邊等邊吃, 很豪氣哦!餐廳走的是平民化的路線, 總括來說,食材都是大路貨色,不是走精緻路綫,十二分好味那種。 五個字總括:「大件夾抵食」!但這也有一個好處,就是一口價丶沒有隱藏收費。正所謂:「貨真價實丶明碼實價丶童叟無欺亅。難怪今天一來到這裏。。。 便發覺未到晚上七時半,已經 「全院滿座亅了。吃完這家明星火鍋之後,我覺得它的「性價比亅其實是挺高的,夠熱鬧丶話題性十足,很適合大夥一班人來嘻!嘻!哈!哈!「朋友,與你又過了一個歡樂年年的晚上啊 。亅👍👍正!。。。🦉+ ==============================立即訂閱我的食評吧!福福郎想 跟你分享上班族的苦與樂丶貓頭鷹的人生觀丶美食和「金句亅啊!Relax,and just subscribe! 。。。🦉============================== continue reading
(The above review is the personal opinion of an user which does not represent OpenRice's point of view.)
Level4 2019-02-25
2661 views
與同事外出佐敦工作至晚上加班時段,我倆已經餓扁了,在大街看到倫哥火鍋,想起曾有同事提及他的鮑魚花膠好味,我在太子也吃過,真的可以,他應該可以填滿我們空蕩蕩的感覺。先來是魚生盤:蝦與帶子鮮甜,八爪魚與北寄貝爽口,還有三文魚及腩。再來熱辣辣敦湯,料多於湯,味道很香,只是用茶樹菇,瘦肉與雞肉,飲到不想放口。跟著是重點食物:鮑魚花膠味道保持水準,鮑魚彈牙入味,花膠超多及爽軟,熱度略為不足,不過肚子餓,快速地給吃完。少辣雞鍋,待應姐姐教導煮的方法,在吃了一半途中可加入牛栢葉、豬皮與魷魚同煮吃;雞肉嫩而不鞋,再吃可點中辣,很大的雞鍋,竟然也可以吃到沒有剩,待應姐姐還提醒雞鍋是任追加的。辛勞了一天,火氣太盛,我們選了芫茜皮蛋湯鍋,來個清淡的也不錯,灼海鮮不怕被奪走鮮味。海鮮盤:小象拔蚌與北寄貝(甜及爽脆),大蜆,白蜆,蟹半隻及海蝦(鮮甜,Q彈),有皮龍躉(有質感)。吃到這時還端上牛頸脊(已忘記有),轉色便放進口,腍嫩有牛味,微肥,好味,還有其他未吃的各種…實在豐富。墨魚滑,有碎粒墨魚與蝦肉混在當中,有自家的特式。待應姐姐們工作勤快,細心介紹食物及為客人燙杯給熱水。 continue reading
(The above review is the personal opinion of an user which does not represent OpenRice's point of view.)
Level4 2019-02-24
2108 views
倫哥聽就聽得多,但係未試過,今晚肥妹仔就去咗佐敦嘅呢一間倫哥私房菜度打邊爐,一入到去環境裝修都好開揚,好時,尚坐低見到啲餐具肥妹仔都不禁會心一笑,因為真係好特別好可愛。首先會畀一啲刺身我哋食,刺身有北寄貝,三文魚,帶子,八爪魚等。肥妹仔每樣試咗一些,超級新鮮,係火鍋店入面食到咁嘅水準,真係好有驚喜。跟住我哋就叫咗個雞煲嚟試下,我哋叫咗一個唔辣嘅雞煲,四人份量,醬汁好好食,唔會好鹹,而佢嘅雞肉都幾嫩滑, 不錯。另外仲叫咗一碟炸魚皮嚟食,佢嘅炸魚皮應該係自己鋪頭新鮮炸起,上枱嘅時候仲係熱辣辣,脆卜卜。另外仲上咗每人一壺中湯,佢嘅中湯係雞湯嚟嘅,飲落去好重老火湯嘅味道,超級鮮甜,湯品嚟講真係一絕。除咗雞煲之外原來佢仲會有蝦嘅串燒,肥妹仔我試咗嗰隻蝦串燒,蝦肉結實,一啲都唔行。另外仲有驚喜嘅就係原來呢個套餐仲包埋鮑魚花膠等等,真係有幾豪華得幾豪華!鮑魚炆到好軟淋,花膠都係一樣,索曬嗰鮑汁味,食到非常之幸福 。另外食完雞煲仲打邊爐,我哋喺海鮮方面叫咗鯇魚片,大蜆,白沙, 大蝦 帶子,鮑魚, 仲有膏蟹, 蟶子,真係你諗得出佢哋都可以有可以有 。佢哋嘅海鮮真係冇得彈,非常之新鮮, 肉質鮮甜,淨係食海鮮已經回本。 另外仲叫咗一個本地手切牛肉,一上枱見到啲牛肉色澤均勻,肥瘦比例剛剛好,輕輕一灼,肉質嫩滑,牛味好濃, 非常高質素 。另外仲有一碟蠔,肥妹仔就冇試,不過肥爸肥媽嘅評語都覺得啲蠔好新鮮,一啲都唔腥!另外仲叫咗墨魚滑,同蝦餃子,雲吞等等。雖然係大路嘢,但係一啲都唔馬虎,最尾仲叫咗一個蔬菜盆,清一清腸胃。蔬菜非常新鮮,冇渣。肥妹仔另外自己仲叫咗一碟炸響鈴,攞嚟索湯底,佢嘅炸響呢又係新鮮自己炸,上枱時熱辣辣,好香豆香味。而甜品方面就有燒菠蘿,菠蘿非常新鮮,甜滋滋。同埋紅糖冰粉 ,非常滿足嘅一餐 continue reading
(The above review is the personal opinion of an user which does not represent OpenRice's point of view.)
倫哥火鍋私房菜, 地點方便又有代客泊車, 地點上面可以話係一流! 除咗地點好 , 食物質素之外 , 點可以成為香港人心目中嘅王者之中嘅王者?最令我刮目相看嘅 員工嘅 有溫度嘅服務! 全場爆滿, 店員都能間中走黎關心我個雞煲煮成點, D野食上齊未, 又幫我拎野飲咁~~太出色了!!!D餐具唔知點解令我覺得好WARM好有HEART!一坐低吹口吹唔停,倫哥貼心地奉上每位一客足料燉湯俾你潤一潤補一補~~真係料多過湯~~滴滴精華~ 開始食咗個雞煲先。 阿姐好細心咁問要咩辣?  同埋教要點樣煮。 冇可能失敗嘅情況之下 , 一煲好成功嘅雞煲出嚟。慢慢享受完呢個暖意雞煲之後, 仲有勁新鮮肥美的刺身食~覺得好夢幻, 俾3百蚊鬆D居然咁多好野食, 以後食BUFFET已滿足唔到我了~這個時候 倫哥攞咗個簽筒畀我~~ 同黃大仙嗰個外觀變無大分別。 心諗點呀? 仲未到過年喎咁快就求籤 ? 原來 係抽獎遊戲。抽中啲乜嘢就有乜嘢食物! 獎品獎品豐富。 倫哥 話有 花膠/鮑魚 等等,豐富禮物任你抽 。抽中兩條燒腸仔,叫好過冇啦~~大家開心就好了~驚喜唔好俾佢停,無啦啦又有花膠扣鮑魚食,我覺得好似做左皇帝咁呀~!好入味好淋軟~正!跟住就去做今晚嘅重點火鍋!  嚟到今晚嘅主菜海鮮火鍋, 新鮮魚片﹑蜆﹑蟶子王﹑蟹都係極新鮮海鮮, 仲要有 新鮮花膠同埋兩隻鮑魚 。喺呢個時候我已經諗呢個份量已經夠兩個人食飽喇!仲未計其他打邊爐配料呢。又係土地問題。香港食肆 地方唔大+人客多 係標準嘅問題, 打邊爐放到成枱都係, 唔夠位置放菜 係常識。手切牛肉重點推介,倫哥出品,實屬佳品!喺呢個時候阿姐再推出一 絕招:「 全天候流動車仔!」 仲細心教你點用擺位點,唔會阻到人出入! 呢啲有溫度嘅服務並唔係每一間餐廳可以有㗎。仲有汽水同涼茶任飲~提提你呢度人好多記得訂枱呀! continue reading
(The above review is the personal opinion of an user which does not represent OpenRice's point of view.)