香港唔多食螺絲粉嘅專門店，皆因好似臭豆腐咁唔係人人鍾意食，呢間專門店特別在有無湯款桂林米粉食😬仲要係免費加底加粉，實食得飽！
2
招牌鍋燒桂林米粉 $48
桂林米粉每碗都有秘制滷水、秘制香油、生菜、酸菜、黄豆、酸豆角、葱及芫荽。窩燒即係脆皮豬頸肉，另外加料要咗滷蛋(+$8)、肥腸(+$14)及通菜(+$8)。第一次食所以揀小辣，賣相吸引，配料份量都均真，撈匀再食，可能配合返香港人口味，小辣都唔算辣，亦非麻辣，但係滷水汁幾開胃，鍋燒都做得幾香口，肥腸醃到入晒味。食完乾撈就可以加湯變湯粉。
牛肉桂林米粉 $48
另一碗嗌咗牛肉，同樣地加配料，加煎蛋(+$8)、叉燒(+$14)牛丸(+$18)，都係小辣。估唔到牛肉同叉燒咁似樣，其實真係唔係好分到😂 但呢度嘅牛肉唔係肥牛，係燒牛肉嗰款，所以食落比較粗糙，叉燒同樣比較硬身，失色少少。
