榮記粉麵

Open Now

Now Closed

今日去左呢間好似係香港頭幾間好食又出名嘅車仔麵。我係星期六下晝黎到嘅，可能係星期六日嘅關係，條龍有10個人到。一坐低對面兩個已經係遊客，之後都聽到部分入黎嘅人講普通話，睇黎呢間野都幾多遊客幫襯。 一坐低呀姐就問你食咩，所以最好入黎之前揀定先，呀姐服務有啲似澳牛。跟住我揀左三餸麵，豬腸、蘿蔔同墨魚頭，油麵底。我見網上面啲人介紹墨魚頭，平時又好少地方有呢樣野做餸所以就試下。墨魚頭都幾爽口，無我想像中咁銀。 佢都係有幾條菜送嘅，今日就係西洋菜。豬腸好肥不過都乾淨無臭味嘅，蘿蔔都唔錯。