Supreme Manya Japanese Restaurant

之前去過銅鑼灣既滿屋，食過都覺得幾抵食。今次就黎到旺角既至尊滿屋，試下睇下到底有咩唔同先～

刺身好新鮮，食過唔少港式壽司鋪雪到刺身魚生硬晒，呢間就唔錯，無咩雪味。
我就叫左甜蝦十隻，帆立貝五件，油甘魚五件，三文魚五件，加晒都仲係唔夠食。
不妨叫多過我一半！呢樣真係要叫到夠本為止。

熱食方面我就推介羊架。

羊架佢燒到岩岩好，佢落調味唔會太鹹，食落夠味，「蘇」味點到即止。
唯一呢樣我叫左兩次，食完想再回味。跟著就可以食其他熱食啦。

最後當然唔少到雪糕一杯，比利時朱古力最值得推介。