豪宴海鮮酒家

Open Now

Now Closed

調景嶺嘅酒樓續一結業，暫時只剩低豪宴，以前都嚟過食飯同飲茶，次數唔多，感覺中規中矩。今次同屋企人嚟覺得呢度嘅流沙包令我好驚喜，流沙包係我最鐘意嘅點心，基本上去到邊間有點心食嘅地方我都會點。其他食物味道都可以，服務都無咩問題，同普通酒樓差唔多，價錢方面亦唔貴，不過今次同老人家飲茶，佢哋都無點食嘢。燒賣，牛肉球，流沙包都係下午茶特價，味道都唔錯。流沙包細細個，但內涵十足，因流心比較稀，所以效果亦好，而且食落無咁漏。排骨，鹹水角，叉燒腸粉都可以。排骨份量都算多。鹹水角食嘅時候都仲熱。鮮蝦菜苗餃嘅皮粉味太重，有啲漿口。豉椒排骨炒河