豪宴海鮮酒家

Open Now

Now Closed

整完嘢和老人家去飲個茶，復活節的lunch等了大概5分鐘左右就有位了。點心款式幾多選擇， Menu竟然有炸鮮奶可以揀，點了來吃，雖然不是酒樓12道菜那款圓轆轆的炸鮮奶，是長條型的，食落都有奶香，覺得一時也無妨～其他點心都正常發揮，乾炒牛河比較有驚喜，超大碟，而且有很多牛肉，以屋村酒樓來說性價比OK！炸雲吞要讚一讚，幾酥脆，而且蝦也算彈牙。另外酒樓設有卡位，都坐得幾舒服～四個人吃了300多元，放假來說也OK。

本身諗住星期六屋企抖下唔煮飯去買外賣返去食，叫左幾樣小菜返屋企食。返到屋企好期待咁開哂黎等食之際，近望點有隻小強倒頭插。。。。仲加全屍小強，成餐飯都即刻無胃口。各位想免費加餸就去啦。包你食到停唔到😂

疫情回好後第一次成家外出晚餐，剛好工人放假，順理成章外出食飯。這晚我們點左果皮蒸鮑魚，清蒸沙巴班，紅燒乳鴿和蒜蓉炒生菜。這些都是家常小菜，我覺得唔錯，由其係個清蒸沙巴班仔 。紅燒乳鴿都唔錯

食物難食，燒鷄皮不脆不熱，咕嚕肉放了幾天再翻炸，2年沒有光顧食活物都是沒有改善，人手不足，所有人跑來跑去，沒有客情，沒有改進，燒味，厨房出品，上湯龍蝦打過栗粉芡就當係，幾十年老字號，真的要改善改善

前排放工返屋企想食燒味飯 又唔想日日食大快活燒味咁dry就近近地去樓下 豪宴海鮮酒家叫咗盒叉燒燒鵝飯點知返到上樓 打開盒飯 叉燒 燒鵝 同飯 都係凍嘅最後仲肚屙肚痛咗三日添自己諗

好耐都冇飲過茶喇！今日喺觀塘唱完Lunch K, 想搵個地方坐下食吓點心傾吓偈，咁老友記就推介咗去佢屋企附近呢間酒樓食下午茶喇！我地兩大一細，叫咗好多嘢食。因為下午茶價錢較為相宜，所以剔紙仔點嘢食都冇咩心理負擔！點咗好多小妹鍾意食嘅食物，包括脆卜卜咸水角、柴魚花生粥、蟹籽燒賣、脆炸鮮蝦雲吞、幼滑牛肉腸粉、豉椒蒸鳳爪、鮮竹卷、大大粒蝦餃同埋香芒布甸！因為老友記個囡囡冇咩點食嘢，所以呢個份量變成兩個人食，所以食到好飽。埋單每人都只係$75，超級抵食！咸水角外脆內嫰熱辣辣足料柴魚花生粥大大粒蝦肉燒賣炸得金黃鬆化嘅鮮蝦雲吞皮薄餡靚嘅牛肉腸粉美味豉椒蒸鳯爪腐皮嫩滑，個湯幾好飲飽滿又大大粒嘅蝦餃最後以加上淡奶嘅清新香芒布甸作結

🍙等待時間：難得同屋企人聚餐，梗係去酒樓食啦，都多人，等左半個鐘。🍔室內環境：普通酒樓感覺，無特別。🍰服務質素：搞左一輪先俾到位我地，但服務態度可以接受。🔺用餐簡評：如圖所見，我地一家係海鮮控，叫既主要都係海鮮🦞，like係俾個聖子既，夠鮮味同味份量都唔細，咬落彈家，條魚就略厭唔夠滑啦。芝士龍蝦伊面，芝士味夠香濃，龍蝦既肉質亦算上等，但燒鵝質素一般，皮又唔夠脆，需要留意。🔹總括來講：不過不失啦👌

屋企附近冇太多食肆， 還好有一間酒樓喺附近，方便唔少居民斬料，外賣飯盒，飲茶，晚飯都有著落。小朋友想吃龍蝦伊麵， 所以選了酒樓晚飯。 推出了很多特惠嘅套餐， 有燉湯， 自選小菜，海鮮， 都係四百蚊左右～上湯龍蝦（伊麵底）龍蝦 肉質夠鮮味， 上湯芡汁稍為過多， 伊麵睇落好多，不過好碎而且太過腍， 少不免要扣分金銀蛋菠菜分量很大， 蒜子唔夠多欠缺一些風味。脆皮炸子雞欣賞佢嘅雞皮，炸起脆卜卜 雞肉也算嫩滑， 味道唔錯。 孖寶嘅套餐還可選另一款海鮮。 我們揀了鹹鮮倉魚， 應該係預先醃過， 肉質結實嫩滑帶點鹹鮮， 做法獨特， 和一般清蒸海鮮嘅食法大不同， 可以一試

朋友突然约食晚飯,想打邊爐任食,结果揾左朋友屋企附近的酒樓-豪宴海鲜酒家,環境ok,不用訂枱,等了一陣立即有位,坐得舒服,但野食一般,蝦每人得兩隻,太少了,再額外order, 要另比錢,每次限點六款野食,太少了,有脆肉鲩,但不是太新鲜,牛肉都好一般,芋頭就好食,有漏單,但如果至在朋友吹下水食D野,還可,但如至在食好西,打邊爐,會失望,冇乜好食,又不是太新鲜,但埋單連加一都係大约HKD160,都不能要求D乜,至在易揾位,方便朋友

一盒43元叉燒我反，叉燒就切舊浸過龍嘅，燒我就切舊背脊最薄部位（大部分都只是皮）用不用咁cheap 呀！味道勁咸！以後不幫襯了，心理好唔平衡返大陸深圳吃碟叉我比反只是42元，好吃兼滿足

七點幾飲早茶生菜少少苦，但唔細碟。叉燒腸，腸粉皮唔太厚，幾好味鳯爪排骨芋頭飯，加芋頭係幾特別嘅，不過我就一舊起兩舊止啦蝦餃，幾大粒，足料，有誠意。如果佢皮薄番少少就再好啲燒賣，大粒了足料，蝦頗彈牙，全日最正果碟牛肉，正常水準，算唔細粒嘅！蒸饅頭，幾好食，軟熟微甜。如果有埋煉奶就更好了！埋單人均五十左右，都算幾豐富嘅

17/6/2019 @ 調景嶺豪宴海鮮酒家今日lunch time時間比較充裕我哋一班同事就去咗飲茶， 呢間商場入面嘅豪宴，無論任何時間都係好多人， 就算係平日嘅早茶午市或者晚市都係人山人海，絕對係街坊飲茶嘅首選午市鮮蝦燒賣王， 夠大粒 肉夠結實，原隻鮮蝦喺入面幾爽口，唔錯xo醬炒蘿蔔糕， xo醬味好出 好惹味！ 蘿蔔糕 切得大細剛好，略嫌有少少炒得唔夠勻，有啲炒得比較耐，有啲炒得比較少，唔夠香口魚蓉釀雙寶， 雙寶分別係茄子和青椒 比較驚喜嘅係魚蓉入面除咗去鯪魚肉之外，仲有少少臘腸、蔥、香菇等等配料令整個口感非常豐富心太軟流沙包 ， 京式叉燒包首先流沙包唔係好流沙，不過食到入面有鹹蛋黃幾香， 京式叉燒包 其實同普通叉燒包分別不大， 蒸包整體上包都比較實唔夠鬆香煎鮮蝦腐皮卷， 煎得非常乾身脆香，十分熱氣！ 但十分足料！瑤柱海鮮粒炒飯， 其實感覺上唔係好食到有海鮮粒……淨係見到有好多蔥 同菜粒， 口感豐富的但食不出有海鮮超貴的芒果布甸 飲完茶大家開心食個甜品選擇只有芒果布甸……芒果布甸係大點，價值$21.8,但係有渣的芒果而且花奶沒有味道，一點都不香……個人覺得這個芒果布甸十分呃錢其實還吃

樓下嘅酒樓因為得兩間揀另外一間裝修時先嚟試豪宴但係每次都令人失望不如淨係講片皮鴨十幾塊入面有一半都有鴨肉唔係真正嘅片皮 係有啲sad用佢啲鴨肉嘅小炒有唔夠鑊氣好似肉溝油咁係咪街坊酒家就唔應該厭咁多呢？

拜完山無事做，難得嚟到調景嶺，梗係行吓街啦！調景嶺商場有好多食肆，全部都係細細間，我哋一家八口，成個場得一間酒樓有茶飲咋！場內隔音好差，啲聲音好似困响密室咁，人人講嘢講到好大聲先聽到，環境非常嘈雜。服務方面，點心上枱速度快，員工效率又高，啪啪啪，已經擺好碗筷，開埋茶位，上埋頭輪點心 點心方面，全部安全過關，冇特色但亦冇伏味！值得一讚嘅係佢哋嘅各式炒粉麵飯，少油，乾身，足料又夠味，係水準之作！豬腳薑又係另一推介，大肉薑入味冇渣，豬腳煲到啲膠原蛋白爆發，豬皮爽口，醋汁香醇 如果可以改善一下隔音嘅話，應該會再去幫襯

I do love dining in a 🇨🇳Chinese restaurant, especially yum cha, eating dim sum and chill with my friends. This restaurant provides many kinds of dim sum. The 🦐shrimp dumplings are not bad, however the shrimps are too small. Siu mais are good, those ingredients are rich, and the 🌶️spicy sauce does match the dish. The rice noodle roll is just at a average level, it's not smooth enough while there are just a little bit cha xiu inside. General speaking, the food are fine, but the environment is too n