隨心 (Moved) New Location

星期二嗰日森仔同女朋友去咗食一間叫做隨心嘅新加坡餐廳。我地點左我女朋友最愛食嘅無骨海南雞飯。我同女友都覺得尼個海南雞飯係我地食過最好食嘅。佢嘅肉質又滑又鮮甜，新鮮嘅肉配搭埋三種醬，三種口味都咁好食！個飯嘅香茅味唔重唔油，做得啱啱好！海南雞飯配埋個湯，個湯唔咸飲落唔係味精湯，但又真係好飲！除咗雞飯之外，我哋叫咗海鮮喇沙，入面有雞蛋、豆卜、蝦、蛋、蟹柳同帶子，而配搭喇沙湯嘅粉麵係瀨粉同米粉。所有配料同喇沙湯好夾，好入味，女友唔太食到辣，佢覺得屬於微辣。兩種粉麵撈埋一齊又出奇的好食。份量、用料做得好足！晚市價錢同出面差唔多，尼個價錢食到尼個質素係好抵。檸檬柚子蜜好似柚子蜜咁，有少少鮮檸味，但不會太甜。純真純真係由梳打水、椰奶同兩種水果沖泡而成，味道類似泰國嘅三色冰，不過係有氣嘅三色冰。肉骨茶豬肉雞肉串燒，肉質同口感都比出面出色。環境整潔企理，有洗手間，食完串燒同剝完蝦殻可以洗手。