聚點 (Closed)

參加完科學館活動後，就到河內道找地方吃晚飯。經過望下這間，是吃港式小菜，岩哂我們一家大細，又不用等位，拍板入內！入到店舖原來有唔少人，我們坐到最後一張枱，lucky見到其他食客都有碟雞係枱，我們也不執輸，就點這個吧！這個是聚香雞，半隻份量，好食肉身好厚，唔肥，食落好嫰滑，連雞胸都係唔鞋口。因為自己最怕食雞有雪藏味，所以會特別留意，這裡沒有這個問題，而且很容易就可以將肉夾到出黎，唔怕啃骨。另外，師父仲俾三隻醬我們點來吃，細心，抵讚！牛肉魚腩魚湯飯１２３。。。將個飯倒入個湯入面！這個牛肉魚腩魚湯飯，魚湯同飯是分開上的，魚湯入面仲有幾條菜，感覺更健康！因為太肚餓了，二話不說就把整碗飯倒落湯去，再撈埋佢！魚湯好香好好飲，連飯連肉連湯一起吃感覺好match，每啖飯送都有魚香味，兼且連埋飯落口啲飯都幾有咬勁！（後記：食完之後完全無口渴的感覺，即係話冇咩味精，真係唔係幾多地方有呢種效果）最後想介紹的是西蘭花炒帶子這裡的炒帶子水準不錯，軟硬適中又夠火喉，無雪藏味，very good講真，在尖沙咀來說這裡的價錢算抵食，加上可以食到滿意的菜色，下次一定會再來！