相馬日式火鍋 (Closed)

每隔一段時間都會想食火鍋🍲今次就同朋友嚟咗呢間日本火鍋任食，呢個餐有雞肉，黑豚肉同埋自選湯底因為有小朋友食所我哋就揀咗清湯，雞件好厚肉，入口嫩滑雞肉味幾濃，又唔嚡，好好食👍🏽日本鹿兒島黑豚肉切得薄薄一塊，好香豬味，鹿兒島既黑豚肉脂肪分佈均勻，食落軟熟唔乾又唔鞋，淥一淥好快就可以食得😍😍串燒拼盤有燒魚餅，免治雞肉棒，金菇肥牛卷，豚肉村，燒粟米，翠玉瓜，大頭蝦，全部都係即叫即燒，上枱既時候熱辣辣好香，啲串燒好入味，特別係個大頭蝦，好新鮮仲要有啲羔，燒得啱啱好啲肉唔會好韌😋呢間放題火鍋店啱晒我哋口味🥰呢餐真係食得好開心🥳下次一定要約多幾個朋友再食過😄