LeeLaksa

Open Now

Now Closed

今日去左上環陪朋友食飯，佢話想食新加坡菜，咁就黎左呢間度食，呢間野門面都幾大間，裝修幾靚～因為仲係5點幾所以唔洗排隊我地叫左3款小食1款主食～有我最鐘意既咸蛋黃雞翼🥰🤤呢個雞翼充滿左濃濃既咸蛋黃金沙，每啖都食到咸蛋黃既味道，係咸蛋控必食～班蘭咖央多士😋呢個都好好食，有烘底，要襯熱食先會脆～咖哩馬來蔥餅個咖哩我覺得有點兒太過濃郁🙈但蔥油餅係好食既，點少少咖哩汁就岩岩好～跟住叫左個馬來炒貴刁呢個炒得好有鑊氣，配料都好足，有好多隻大蝦係面，同埋魷魚肉，份量十足！好食😋～整體上餐廳環境好舒服，餐具好靚～會提供口罩套同濕紙巾，好貼心～職員都好有禮貌🥰食新加坡菜既話會再黎食其他唔同野食～