平昌

Open Now

Now Closed

太耐無去旅行，突然好想食韓燒，於是約埋朋友黎食個韓燒晚餐。餐廳環境佈置得好似韓國地道既烤肉店，而且仲有幾個講韓文既oppa, 令人好似真係去左韓國甘。餐牌分左世子/大君套餐，第一次食梗係要試晒各種菜式，於是選左世子餐。除左烤肉之外，最吸引我既係仲可以點唔同既韓國熟食。要特別推介下豬肉大醬湯同辣豆腐海鮮湯，湯頭好入味，而且好足料，我飲左二大碗！講返烤肉，醃肉好出色，唔會太咸又夠入味。旁邊仲有雞蛋，正😄另外可以試下烤豬皮，韓國有專門for烤豬皮既烤肉店，估唔到呢度都有，有驚喜！配菜有大豆芽同泡菜, 都係可以無限refill.