小曼谷泰國美食站

Open Now

Now Closed

疫情下大家已經接近三年無得去旅行✈️，慶幸我地仲可以係香港食到世界各地嘅美食，慰藉一下味蕾。前晚就同朋友去左位於銅鑼灣嘅小曼谷，餐廳裝潢參考泰國夜市，大大個火車頭係門口，好有feel ~泰式柚子沙律🥗$108 柚子新鮮又醒神，再配上大量既椰絲，豐富成個口感。明爐桂花魚 🐟$268桂花魚好大條好新鮮，而且肉質非常嫩滑，魚湯夠酸夠辣夠惹味之餘，又唔會搶去魚嘅鮮味，令人食指大動。冬蔭功 🍲$142 酸中略帶有微辣味，同時有帶上甜味，非常醒胃。湯內嘅大頭蝦，蝦肉都係爽口彈牙，而且大隻而鮮甜。泰式炒雜菜 🥬$85炒得好有鑊氣，惹味得來唔會太鹹太油👍🏻芒果糯米飯🍚$88食泰國菜點會少得佢，用芒果糯米飯來作餐後甜品，非常滿足。