Video
Read full review
2021-08-04
922 views
香港嘅大排檔文化，的確為人津津樂道。 講起大排檔你會諗起深水埗嘅愛文生，定係火炭嘅津津，又或者係大圍嘅冬菇亭？ 我反而係會諗起新派嘅妹記大排檔，土瓜灣嘅楚撚記，又或者呢排火紅嘅女人街食飯公司。 原因係同樣嘅大排檔文化，以一個吃得舒服，以打卡為目標，一班青年人可以以一個平價來吃到佢哋所喜愛嘅麻甩菜式。可能你會覺得唔正宗，但係你唔好理，熱愛呢個市場，大有人在，百貨百客。 先點了個招牌杏汁燉豬肺，剩係個甜度，杏香同足火喉，已經夠叫你滿足，特別屋企冇湯水嘅朋友，加啲豉油，食埋啲湯渣，先至係香港嘅文化。 點了個雞，有唔同嘅味道，有瑶柱雞又有豉油雞，任你選擇，吃下去，雖然未必係新鮮雞，但都收貨。 佢有大大個海鮮檔，當然要試吓佢哋處理海鮮嘅手法，金鴛鴦蒜粉絲蒸蟶子皇，精彩絕倫，但絕對適合送酒，米粉蒸得剛剛好，加上鴛鴦蒜，好入味。 好多人都推介呢度嘅蝦多士，黑松露蝦多士一人一件，係咪過譽就見仁見智，但係個黑松露醬真係香到入魂，成件大蝦同又脆又香的多士的確令到唔少人大讚。 前日喺金豪，等個通菜煲等咗成個鐘都食唔到，叫了XO醬馬拉盞芥蘭煲解除昨天的不快，呢啲
講起大排檔你會諗起深水埗嘅愛文生，定係火炭嘅津津，又或者係大圍嘅冬菇亭？
我反而係會諗起新派嘅妹記大排檔，土瓜灣嘅楚撚記，又或者呢排火紅嘅女人街食飯公司。
原因係同樣嘅大排檔文化，以一個吃得舒服，以打卡為目標，一班青年人可以以一個平價來吃到佢哋所喜愛嘅麻甩菜式。可能你會覺得唔正宗，但係你唔好理，熱愛呢個市場，大有人在，百貨百客。
先點了個招牌杏汁燉豬肺，剩係個甜度，杏香同足火喉，已經夠叫你滿足，特別屋企冇湯水嘅朋友，加啲豉油，食埋啲湯渣，先至係香港嘅文化。
點了個雞，有唔同嘅味道，有瑶柱雞又有豉油雞，任你選擇，吃下去，雖然未必係新鮮雞，但都收貨。
佢有大大個海鮮檔，當然要試吓佢哋處理海鮮嘅手法，金鴛鴦蒜粉絲蒸蟶子皇，精彩絕倫，但絕對適合送酒，米粉蒸得剛剛好，加上鴛鴦蒜，好入味。
好多人都推介呢度嘅蝦多士，黑松露蝦多士一人一件，係咪過譽就見仁見智，但係個黑松露醬真係香到入魂，成件大蝦同又脆又香的多士的確令到唔少人大讚。
前日喺金豪，等個通菜煲等咗成個鐘都食唔到，叫了XO醬馬拉盞芥蘭煲解除昨天的不快，呢啲基本功菜式當然唔錯。
尾聲點的香菇油渣蝦子撈粗應該冇油飯咁出色，不過那些豬油渣的確令你食到唔停到口，如果你唔怕肥，我誠意推介你食一碟，我就一啖都怕。
以一個相宜嘅價錢，加上大量嘅打卡位，仲可以感受到香港嘅地道文化，講真，就好似上咗一堂免費大排檔歷史課，我話你聽好食識飛就一定吹，但講真，一班朋友開開心心食下飯，錯不了。
女人街食飯公司 旺角通菜街1A-1L威達商業大廈1樓B室
Post
