鐵牛台灣牛肉麵 (希爾頓大廈)

Open Now

Now Closed

夜晚同男友8點幾去食飯，見新開價錢又平就去試下入去見有得個幾枱，帶位個阿姐帶我地坐低二人枱，之後有兩個客跟住入，個姐本身叫佢哋響我哋隔離。個客唔肯，堅持坐響隔一張枱。之後，我放左件䄛響隔離張櫈度，個阿姐即係走過黎叫我拎起。我話有客先拎，阿姐佢即刻好冇禮貌大力咁拉開我隔離個張吉枱同櫈。其實你多客要搭枱冇問題，知你要做生意，但明明七成吉位，都要d客迫麻一齊坐，坐得仲迫過M記。你真係要迫個客抱住件大褸，坐得好迫咁去食你碗台灣麵！？咁又何苦呢！之後自助式買餐，叫左牛肉麵，個湯好咸好多味精，麵好軟冇口感。男朋友叫個肉燥飯，賣相ok，不過個汁好酸。總括貼錢買難受，不值一去。