我們四位點菜:晚飯 優惠孖寶$208龍蝦上湯伊麵&叉燒,$88椒鹽鮮魷,$88菠蘿生炒骨,$72金銀蛋浸油麥菜。
龍蝦上湯伊麵,龍蝦肉質不錯,伊麵就〝碎飲飲〞 每一條的伊麵 是一寸到兩寸之間,份量亦都少。
椒鹽鮮魷,魷魚〝淡茂茂〞,完全冇鮮魷味道。叉燒肉質和叉燒汁味道都不錯。
菠蘿生炒骨,粉漿好厚,味道一般。
金銀蛋浸油麥菜, 等咗45分鐘 都未上枱,我哋要求取消,並且結賬離開,今晚嘅消費係480蚊,但係大家都食唔飽,我哋唯有去茶記炒咗兩碟粉麵 ,食飽先返屋企。
龍悅的食品質素實在有大大改善空間,就算係侍應的服務質素,都有改進必要。