Video
Read full review
2010-03-10
32 views
其實呢間店好近我屋企。開左好似幾個月度，但一直都無幫襯過，因為明明好似記得佢係一間賣下三文治呀小食呀蛋糕呀咁既 cafe，好少約朋友過呢邊飲野, 所以亦未有機會去過。早幾日落巴士經過，見到好似有d正餐食，但無認真睇有咩食。星期六晚懶煮飯，於是就黎試下。入店內大致裝修無變過，但發覺蛋糕櫃內放的是泰式甜品，餐牌上大部份是泰國菜，但亦有西餐或日式食品。看看店內四周，有寫 "cafe plus" 又有寫 "泰潮"，唔知邊個名至係真。唔好理個名，叫野食啦。我叫左海南雞飯，朋友叫左海鮮炒飯。 海南雞飯 - $4x 我個海南雞飯上先，講真，一望已經知唔會好食。全碟雞胸肉，仲要睇個樣應該係翻煮，真係大剎風景。 雞油飯無咩特別，個 sauce 得一種，味道 standard 啦, 算ok既。(離開後見門口招牌寫住"馳名海南雞飯"，我估佢講既係呢個菜色係好馳名，但唔係佢地整得馳名囉)海鮮炒飯 - $38 份量好少，我覺得我朋友食唔飽。但有好多蝦同海鮮，幾足料。亦係即炒，好新鮮亦幾好味。或者真係太潮，我呢d old cake，無法將其歸類。 仲有，以佢呢個快餐店式裝修賣泰菜，加上份量咁細，我碟海南雞飯又咁
早幾日落巴士經過，見到好似有d正餐食，但無認真睇有咩食。星期六晚懶煮飯，於是就黎試下。
入店內大致裝修無變過，但發覺蛋糕櫃內放的是泰式甜品，餐牌上大部份是泰國菜，但亦有西餐或日式食品。看看店內四周，有寫 "cafe plus" 又有寫 "泰潮"，唔知邊個名至係真。
唔好理個名，叫野食啦。我叫左海南雞飯，朋友叫左海鮮炒飯。
海南雞飯 - $4x
我個海南雞飯上先，講真，一望已經知唔會好食。全碟雞胸肉，仲要睇個樣應該係翻煮，真係大剎風景。 雞油飯無咩特別，個 sauce 得一種，味道 standard 啦, 算ok既。
(離開後見門口招牌寫住"馳名海南雞飯"，我估佢講既係呢個菜色係好馳名，但唔係佢地整得馳名囉)
海鮮炒飯 - $38
份量好少，我覺得我朋友食唔飽。但有好多蝦同海鮮，幾足料。亦係即炒，好新鮮亦幾好味。
或者真係太潮，我呢d old cake，無法將其歸類。 仲有，以佢呢個快餐店式裝修賣泰菜，加上份量咁細，我碟海南雞飯又咁令我失望，我覺得佢 over-priced......
Post
