Channel 3 Tapas Bar & Restaurant

Open Now

Now Closed

放工其中一件最開心既事莫過於就係同朋友去飲下酒，吹下水。今次就同朋友黎到太子依間酒吧食晚飯。餐廳既氣氛唔錯，服務亦都好好，而且飲品選擇多。我地一坐底職員就送上小食同埋一碗sour cream比我地點。我地趁住餐廳既happy hour，叫左一杯Edelweiss同一杯Pinacolada。啤酒十分冰凍，味道偏淡，苦澀味小，帶果香同花香。Pinacolada好滑，帶菠蘿嘅甜味，幾好飲。嘢食方面，叫左一個德國傳統火焰pizza，一個板燒西班牙黑豚肉 同埋一個西班牙雞肉辣肉腸燴飯。德國傳統火焰pizza出場十分震撼，服務員喺面頭噴上酒精，之後點火，整個場面好壯觀。味道方面，pizza面舖左厚厚既芝士，入面仲有肉碎，幾好食。板燒西班牙黑豚肉擺盤好靚，除左豬肉，仲有炸番薯同埋沙律菜。西班牙黑豚肉燒得幾好味幾冧，配埋醬汁黎食一流。炸番薯條炸得幾香，略帶甜味。西班牙雞肉辣肉腸燴飯份量好大，雞肉同辣肉腸都多，飯亦都軟硬適中，十分飽肚。值得一提既係酒吧都好貼心，雖然我地係happy hour last order既時候叫多左一杯啤酒，但係職員見我地之前個杯仲未飲完，就比左張單我地，話等我地飲完再送過黎。