竹面譜

Open Now

Now Closed

竹面譜係太子一間主打高質麵食同特色鍋物嘅小店，環境舒服，好多街坊同埋區外人都會黎食～總店喺新蒲崗，不過最近就去太子，聽講佢哋有啲菜式係另一間分店冇嘅，下一次要去埋新蒲崗試吓先得！！.
🐷夢王和牛飯配流心蛋
呢個和牛飯真係好正，和牛份量幾多，以呢個價錢嚟講算係唔錯， 仲要煮得好香，肉味香濃，入口嫩滑，配埋流心蛋一齊撈飯，蛋汁同牛肉汁mix埋，成碗飯都好有層次感，好滿足！除咗流心蛋仲可以揀太陽蛋、生蛋或者溫泉蛋架！.
🐷豪華限量版和牛＋花膠鍋
呢個鍋真係超多花膠，啲花膠全部都係厚切！！！ 入口滑溜又有膠質感，咬落去啖啖都好實在，和牛片都幾大塊，自己食幾多就碌幾多～ 湯底飲落好鮮甜，啱晒鍾意補身嘅朋友 ！ 麵條都可以自行選擇，我哋就揀咗米線～.
🐷炸自家製韭菜餃
大大粒嘅韭菜餃外皮炸到金黃香脆，入面餡料足，韭菜味夠晒香，唔會太油膩，食落有驚喜。.
🐷炸墨魚餅
墨魚餅外脆內彈牙，咬落去有少少粟米碎，鮮味十足，熱辣辣食，點埋泰式辣醬就Perfect~!.
🐷祛濕茶
飲落清新回甘，唔會太苦，食完重口味嘢飲返杯祛濕茶，感覺特別舒服。.
🐷熱桂花柚子蜜
桂花香味突出，配埋柚子蜜飲落酸甜開胃～.
竹面譜