Video
Read full review
2019-07-28
6440 views
I don’t care if you approve of me, I approve of myself-係旺角竟然比我發現一間鬧市中一片綠州？究竟我講緊咩？其實係一間新開東南亞餐廳係正一個"The Forest"既新商場裡面，聽朋友講呢個係傳說中藝術美食ATUM旗下新餐廳，難怪上到去發現佢地既環境佈置都一樣咁講究啦！一大片綠色佈置，以好多盆栽同植物將本身商埸既綠色大自然概念融為一體！無論你係裡面定出面都有種置身於熱帶森林既氣息，樓底夠高所以環境感覺更加闊落，連枱椅、裝飾、餐具一樣都咁正！周圍都係打卡之處呀！👇📌惹味拼盤 - $92 (細)▪ 菠蘿雞翼▪ 豬頸肉▪ 青檸雞槌▪ 炸雞卷▪ 魚餅▫ 先黎個小食開下胃先，最基本既各類炸物，雖然熱氣，但我鍾意呀！菠蘿雞翼最為突出，將菠蘿釀入雞翼，可以中和油膩感，雞翼仲幾嫩滑tim，豬頸肉爽身夠彈牙，雞槌整得幾惹味配埋青檸味加強左香味！唔錯！📌白冬蔭公 ▪ 南薑椰奶雞湯 - $82 (細) 👉源自泰北既特別版冬蔭公，味道份外特別，同一般你飲開既有少少唔同，椰奶會更加突出，所以質感會更加滑同香醇，南薑椰奶中和左本身既辣味
-
係旺角竟然比我發現一間鬧市中一片綠州？
究竟我講緊咩？其實係一間新開東南亞餐廳
係正一個"The Forest"既新商場裡面，聽朋友講呢個
係傳說中藝術美食ATUM旗下新餐廳，難怪上到去發現
佢地既環境佈置都一樣咁講究啦！一大片綠色佈置，
以好多盆栽同植物將本身商埸既綠色大自然概念
融為一體！無論你係裡面定出面都有種置身於
熱帶森林既氣息，樓底夠高所以環境感覺更加闊落，
連枱椅、裝飾、餐具一樣都咁正！
周圍都係打卡之處呀！👇
📌惹味拼盤 - $92 (細)
▪ 菠蘿雞翼
▪ 豬頸肉
▪ 青檸雞槌
▪ 炸雞卷
▪ 魚餅
▫ 先黎個小食開下胃先，最基本既各類炸物，
雖然熱氣，但我鍾意呀！菠蘿雞翼最為突出，
將菠蘿釀入雞翼，可以中和油膩感，雞翼仲幾嫩滑tim，
豬頸肉爽身夠彈牙，雞槌整得幾惹味配埋青檸味
加強左香味！唔錯！
📌白冬蔭公
▪ 南薑椰奶雞湯 - $82 (細)
👉源自泰北既特別版冬蔭公，味道份外特別，
同一般你飲開既有少少唔同，椰奶會更加突出，
所以質感會更加滑同香醇，南薑椰奶中和左本身既辣味，
食落會比較甜，雞肉亦足料，二至三人份量，唔錯！
📌泰式大蝦炒金邊粉 - $138
👉最經典既金邊粉炒得夠哂鑊氣，但唔乾身，
花生碎做配角，撈埋一齊增加層次感，加返蛋碎
同青檸營造返泰式風味，酸酸甜甜非常開胃，
主角大蝦黎到已經碌好哂，啖啖肉你都咪話唔正呀！
📌芒果糯米飯 - $78
👉哇賣相咁靚真係好"IGable"，糯米飯係用蝶豆花黎整，
所以先做到藍紫色既效果，質感比一般既糯米更加軟腍，
芒果薄片切上，每塊都切得精細平均，排好哂好似朵花咁，
配埋米色椰子片，成個視覺效果夠哂搶眼，
絕對係暫時我見過最靚既芒果糯米飯！
Post
