別忘了

Open Now

Now Closed

天水圍南終於有任食邊爐啦🤭質素仲唔錯添，座得舒服，環境企理，服務也不錯，店員時不時會幫你加湯同收走碗碟，完全唔洗出聲。呢間係台式火鍋店，有9款湯底可以選擇，藥膳、麻辣、沙茶、椰子雞等等，湯底吸引，牛好食；仲有好多台式小食，台式腸呀鴨血呀蝦卷咁，蝦卷係出面冇見過，啲蝦卷唔係乾淨淨好似丸咁一條，食落juicy, 呢個必點😆 另外台式飲品都好多選擇，茶類、奶茶到梳打同乳酸梳打應有盡有，個人推介水果乳酸梳打，裏面真係有水果比你，真係估你唔到。之後仲要有好多甜品食，有窩夫有仙草有雪花冰，窩夫使用蘭王蛋製成，蛋味都幾出而且脆脆地，豪不馬虎，最後有一人一杯movenpick雪糕或者日本布甸，難怪開業以來都不乏人流，的確食得過👍.B餐 極上牛翼板 90mins: $268加一